जवानी यो ढली सक्यो माया माया भन्दा
मुटु मेरो जली सक्यो माया माया भन्दा।
उथलपुथल भएको छ मेरो यो जिन्दगी
आधी-हुरी चली सक्यो माया माया भन्दा।
दु:खै दु:ख मात्र पाए मायाको यात्रामा
सुखले त छली सक्यो माया माया भन्दा।
यस्तो खालको आगो रैछ धोका भन्ने चीज
पानी पनि बली सक्यो माया माया भन्दा।
बर्सौ सम्म बसेको छु उनकै प्रतिक्षामा
पत्थर समेत गली सक्यो माया माया भन्दा।
No comments:
Post a Comment