गल्ली गल्ली भौतारिने भोक देखिन्छन्
कहिल्यै नदेखिएका रोग देखिन्छन्
महलमा मोजमस्ती भई रहँदा
सडकका छेउछाउ बिजोग देखिन्छन्।
मन्दिरमा जति पनि भेटी चढाइन्छ
दुई रुपैयाँ माग्ने देखे मुन्टो बटारिन्छ
दिउँसै झ्याप भै हिंड्ने चोक देखिन्छन्
अभिनय गरि हिंड्ने लोक देखिन्छन्।
अचेलका मानवमा माया देखिंदैन
दीन-दु:खी हरु प्रति दया देखिंदैन
हरेक झुप्रा हरुमा शोक देखिन्छन्
बाआमाका रित्तिएका कोख देखिन्छन्।
No comments:
Post a Comment