झरनाको धुन संगै गीत गाई दिंदा
चिश्चल त्यो पानीले बैँश नुहाइदिंदा
संसारको सबैभन्दा सुन्दरी झैं लाग्छ
स्वर्गबाट ओर्लिएकी परी जस्तै लाग्छ।
सर्लक्क मिलेको ज्यान पौडी खेलिदिंदा
यता-उता,हात-पाउ चल्मलाई दिंदा
गगनमा उडि हिंड्ने चरी जस्तै लाग्छ
स्वर्ग बाट ओर्लिएकी परी जस्तै लाग्छ।
भिजी हिंड्दा अप्सरा बर्षाको झरीमा
पागल भै यौवनको,परें भुमरीमा
पछ्याइरहुँ जीवन,भरी जस्तै लाग्छ
स्वर्गबाट ओर्लिएकी परी जस्तै लाग्छ।
No comments:
Post a Comment