कैलेकाही परी बनी उडी आउँ जस्तो लाग्ने
कैलेकाही चरी बनी उडी आउँ जस्तो लाग्ने
तर तिमी कहाँ छौकी,केही थाहा छैन प्रिय
नजिक छौकी दूर छौ र,केही थाहा छैन प्रिय
सुख छकी दु:खमा छौ,थाहा पाउँ कसो गरी
तिम्रै याद सम्झनाले छाती पोल्छ घरीघरी
यौवनको पखेटाले उडी आउँ जस्तो लाग्ने
वायुपंखी घोडा चढी,उडीआउँ जस्तो लाग्ने
तर तिमी कहाँ छौकी,केही थाहा छैन प्रिय
नजिक छौकी दूर छौ र,केही थाहा छैन प्रिय
शहरमा छौकी तिमी,गाउँमा पो छौ की कतै
चोटपटक लागिकन घाउमा पो छौ की कतै
सपनाको यान चढी उडी आउँ जस्तो लाग्ने
सिर्र सिर्र हावा बनी उडी आउँ जस्तो लाग्ने
तर तिमी कहाँ छौकी,केही थाहा छैन प्रिय
नजिक छौकी दूर छौ र,केही थाहा छैन प्रिय
No comments:
Post a Comment