आकाश साक्षी छ,धर्ती साक्षी छ
बतास साक्षी छ,नदी साक्षी छ
हामीले माया लाएको
हामीले कसम खाएको।
समय खराब हुँदैमा
भौगोलिक दूरी बढ्दैमा
मनको दूरी बढ्दैन
चटक्कै भुल्न सकिन्न।
जंगल साक्षी छ,पंक्षी साक्षी छ
पवन साक्षी छ,झरी साक्षी छ
हामीले माया लाएको
हामीले कसम खाएको।
सोधेर हेर पहाडलाई
सोधेर हेर हिमाललाई
कति छ हाम्रो पिरती
वक्नेछन् सबै सर्सर्ती
जून साक्षी छ,तारा साक्षी छ
डाँडा साक्षी छ,पाखा साक्षी छ
हामीले माया लाएको
हामीले कसम खाएको।
No comments:
Post a Comment