नपिएका प्यालाहरु
चुमिएका गालाहरु
कति प्यारा प्यारा हुन्छन्
मनमा सदा गाढा हुन्छन्।
फूलहरु सुवास छर्छन्
काँडालाई माया गर्छन्
भमराले रस चुस्नु
आकर्षण हो कुरा बुझ्नु।
गरिएका बाचाहरु
राखिएका आशाहरु
कति प्यारा प्यारा हुन्छन्
मनमा सदा गाढा हुन्छन्।
नपाएको चीज मीठो
चपाएको चीज तीतो
खाएको पो धोका हुन्छ
नखाएको भोका हुन्छ।
जुधाएका आँखाहरु
समाएका हातहरु
कति प्यारा प्यारा हुन्छन्
मनमा सदा गाढा हुन्छन्।
No comments:
Post a Comment