मन दुखेको ओखतीलाई कति पर्छ डाक्टर साब
ब्यान बेल्का कति पल्ट खानुपर्छ डाक्टर साब
कति धाएँ मेडिकलमा ,तर पाउन सकिएन
आफैं बिसेक होला भन्छु,तर दुख्न रोकिएन।
दिउँसोतिर बोल्दा,हिन्दा,खासै थाहा पाइँदैन
साँझ ढल्दा छट्पटीले,निंदाउनै सकिंदैन
कुन रोगको लक्षण हो,भनिदिनु डाक्टर साब
भरपर्दो उपचार गरिदिनु डाक्टर साब।
प्रेसर पनि ठीकै रहेछ,ज्वरो पनि आको छैन
बेचैनीले मर्न लागें,केही थाहा पाको छैन
ओसिला छन् आँखाहरु,सुकाउने केले होला
यो छातीको देब्रे पाटो,दुखाउने केले होला?
No comments:
Post a Comment