यो मुटु कुटुकुटु खानेकै किन याद आउँछ
दोबाटोमा छोडी जानेकै किन याद आउँछ।
जुनी-जुनी सम्म तिमीलाई साथ दिन्छु भनी
निष्ठुरीले यो हात तानेकै किन याद आउँछ।
मोरीले त मलाई ठानिछे खेलौना दुई दिने
मैले भने सर्बस्व ठानेकै किन याद आउँछ।
आज मेरो रक्तसञ्चार तनमा छ रोकिएको
आफ्नै मुटु चुँडेर लानेकै किन याद आउँछ।
व्यर्थ लाग्दैछ आज मलाई जून छुन खोज्नु
लाखौं करोडौंमा छानेकै किन याद आउँछ।
No comments:
Post a Comment