मनको बह बिसाउने चौतारी तिमी
मेरो हृदयको राज-कुमारी तिमी।
हामी बीच समाजले पर्खाल बनायो
म यता वारि भए छौ पारी तिमी।
यो स्वार्थी दुनियाँमा तिमी मात्र मेरी
म देखि नजाउ टाढा मेरी नारी तिमी।
समाजको जन्जिरलाइ तोड्न केनै छ र
मेरो नामको सिन्दूर, लाउ सारी तिमी।
लाखौं लाख देखे मैले रुप,धनी भाकी
सिंगो यो ब्रम्हान्डमा मनकारी तिमी।
तिमी संग जिउछु म,मर्छु तिमी संगै
तिमी बिना देख्नेछौ ब्रम्हाचारी तिमी।
No comments:
Post a Comment