बिमानस्थल बाट गुडे कति सप्ना हरु
हेर्दा हेर्दै माथि उडे कति सप्ना हरु।
परिवार,साथी,भाइ,नेपाली माटोमा
माया गाढा बनी छुटे कति सप्ना हरु।
घर छोडी विदेशमा आइयो बाध्यताले
विदेश पुगे पछि फुटे कति सप्ना हरु।
घर,जग्गा धितो राखी बेचियो बिदेशमा
दलाल हरु मिली लुटे कति सप्ना हरु।
खाने,सुत्ने टुंगो छैन कामको ब्यस्तताले
सुत्नै नपाइ त्यसै उठे कति सप्ना हरु।
मीठा मीठा सप्ना बोकी आइयो बिदेशैमा
देख्नै नपाइ बीचमा टुटे कति सप्ना हरु।
No comments:
Post a Comment