देशको लागि लड्ने वीरहरु काटिन्छन्
कहिल्यै नझुक्ने शीरहरु काटिन्छन् ।
जातीय र धार्मिक द्वन्द चर्किदैछ
गुम्बा,मस्जिद,चैत्य,मन्दीरहरु काटिन्छन्।
हामी सबै आफ्नै दाज्यु,भाइ,बा,आमा
आफन्तका तिनै शरीरहरु काटिन्छन् ।
भित्र होइन दुस्मन घर बाहिर नै छन्
दुस्मन बिरुद्धका तीरहरु काटिन्छन् ।
के गरीब के धनी हामी हौ नेपाली
शोषक भन्दै यहाँ अमीरहरु काटिन्छन्।
देशको लागि लड्ने वीरहरु काटिन्छ्न्
कहिल्यै नझुक्ने शीरहरु काटिन्छन्।
No comments:
Post a Comment