सतर्क हुनु कसैले त्यो मायाको पोका दिदा
फुट्न पनि सक्छ जसरी पानीको फोका दिदा।
सगरमाथा बाट सिधै नाम्चेमा खस्न पुगेछु
माया रुपी तुफानले भयंकर झोका दिदा।
स्वीकार्य हुन्छ सबै माया पिरतीमा भन्दै
मैले सोच्दै नसोचेको अचानक धोका दिदा।
मायालु बन्दुक अनि माया गोली पो रहेछ
मर्ने-बाच्ने यकिन हुन्न छातीमा खोका दिदा।
मुटुमा बास माग्ने सबै प्रिय नहुन सक्छन्
मुटुनै ध्वस्त पारीदिन्छन् मुटुको ढोका दिदा।
No comments:
Post a Comment