देश ध्वस्त पार्न बारुद र बम खर्चेका छन्
त्यही खुशीमा भोड्का अनि रम खर्चेका छन्।
उत्तरदायित्व बिर्सेर देशका युवा हरु
जाड,रक्सी,जुवा-तासमा रकम खर्चेका छन्।
कर्म गर्न लजाउछन् शिक्षित भनौदा हरु
प्रमाणपत्र पछारेर अहम खर्चेका छन्।
बिगबिगी छ जताततै नक्कली डाक्टरको
घाउमा हैन,गलत ठाउमा मलम खर्चेका छन्।
भर्न सम्म भर्छन् गोजी सत्ता चुमे पछि
यस्तो गर्छु भनी झूटो कसम खर्चेका छन्।
No comments:
Post a Comment