वारि जमूना/पारी जमूना

वरिष्ठ एवं चर्चित लोक गायक खेमराज गुरुङको असामयिक निधनको खबरले सम्पुर्ण गीत संगीतप्रेमी हरुलाई स्तब्ध र मर्माहत बनाएको छ।यो दु:खद घटना संगै नेपाली साङ्गितिक आकाश बाट एउटा उज्ज्वल ताराको बिलय भएको छ।देशले एक होनहार कलाकार गुमाएको छ र समस्त साङ्गितिक क्षेत्रलाई अतुलनीय क्षति पुगेको छ।"वारि जमूना,पारी जमूना,जमूनाको बीचैमा मनकामना" गीत बाट चर्चामा आएका गायक गुरुङलाई नचिन्ने प्रायः कमै होलान्।जीवन,जीवन-२,आलु तामा,धरान-पोखरा,अनमोल,ढाक्रे र घुमफिर जस्ता एल्बम बजारमा ल्याइसकेका ४२ बर्से गुरुङको जन्डिसको कारणले चाबहिलको मेडिकेयर अस्पतालमा उपचारको क्रममा बिहिबार साझ निधन भएको हो।यस दु:खद घडीमा मृत आत्माको चीर शान्तिको  कामना तथा हार्दिक श्रद्धान्जली ब्यक्त गर्दै शोक सन्तप्त परिवारले सो दु:खद घडीको सामना गर्ने शक्ति मिलोस्।