मान्छेको चिसो मुटुले शहर सेलायो
थोरै ती तातो मुटुको असर सेलायो।
नकारात्मक विषयले पाई रह्यो चर्चा
चर्चा हुनु पर्ने ताजा खबर सेलायो।
चाहनाको जहाजले संसार घुमे पनि
यथार्थमा कमजोर हुँदा रहर सेलायो।
नौ-जवान युवाहरु सबै बिदेशिदा
स्वदेशका नदी,नाला,बगर सेलायो।
कसले घात गर्यो त भनी खोजी गर्दा
आफन्तनै घाती देख्दा नजर सेलायो।
तातिएर हिंडेको थे लक्ष्य भेटाउन
गन्तव्यमा नपुगेरै सफर सेलायो।
कमाउन बिदेशमा गएको श्रीमान
बाकसमा फर्के पछि अधर सेलायो।
No comments:
Post a Comment