जोया २

मेरो पुरानो साथी बल बहादुर थापा मगरकी बुहारी जोया २ छोराहरु सहित फिलिपिन्स गैसकेकी थिईन्।विभिन्न संचार माध्यम र सामाजिक सन्जाल जोयामय भयो।कसैको बिरोध र कसैको समर्थन थियो नेपाल सरकार र उद्दार गर्ने संस्था प्रति।मलाई भने अझै मेरो पुरानो साथी बलबहादुर र उसको छोरा जीवन थापा मगर प्रतिको रिस मरिसकेको थिएन।त्यही रिस पोख्न काठमाडौ बाट बस चढेर चितवन पुगेर सोधपुछ गर्दै  म उसको घरमा पुगे।रात परिसकेको थियो।मैले ढोला ढक्ढकाए।सुकेर पात जस्तै भएकी एक अर्धबैसे आइमाईले ढोका  खोली।
"जीवनको घर यही हो भाउज्यु?"-साथीको श्रीमतीको नाताले सम्बोधन गर्दै सोधेँ।
"हो हो,किन होला बाबू?भित्रै आउनु न।"
घरको संघारमा पाइला के टेकेको थिए,-घर भित्रको भित्तामा फुलमालाले बेरिएको फोटोको फ्रेममा आँखा गएछ।फोटो थियो-उहीँ बिदेशमा पहिले संगै काम गरेको पुरानो मित्र-बलबहादुर!