अज्ञानी छु भगवान बरु सजाय दे
दु:ख बाट मुक्त हुने कुनै उपाय दे।
सबै तिर अस्तब्यस्त,काम ढिला-सुस्त
हे सरकार काम हुने अब निकाय दे।
खोक्रो बोली सुनेर त कानै पाकिसक्यो
के के गर्ने जनताले आ-आफ्नो राय दे।
धोकेबाज नेता लाई घोक्रेठ्याक लाऔ
कुरा सही हो कि हैन लौ मनासाय दे।
घुस लिने दिने लाई भण्डाफोर गरी
राम्रो काम गर्ने लाई नै हाय हाय दे।
प्यारी बाट बिदा भएँ राहदानी लिएर
फर्किन् उनी आँखामा पानी पानी लिएर।
बाई बाई बाबा सी यु भन्दै थिई छोरीले
मिल्ने भए आउने थिएँ मेरी नानी लिएर।
आ'कोछु खाडी देशमा धेरै सपना सजाई
सोचेकोछु आउछु प्यारी सुनखानी लिएर।
दुई मुटु संगै चल्थ्यो,संगै हुन्थ्यौं हमेसा
रात काटिन्छ अधुरो यो सिरानी लिएर।
दु:ख, सुख चलिरहेछ परदेशी जिन्दगी
अब चाँडै फर्किंदैछु अजीव कहानी लिएर।
दु:खको बेला दिएर साथ नजिक आएर
बनाई ऋणी पुर्यायौ यहाँ पिरती लाएर।
यो धर्तीभित्र कम्ती नै होला जसरी तिमीछौ
साहसी नारी भएको देख्दा महान तिमी हौ।
पुरुष भन्दा अगाडि बढी तिमीले देखायौ
रेकर्ड राख्यौ यसरी तिम्ले ईतिहास लेखायौ।
भविस्य सम्म तिम्रो नै नाम लिनेछन् सबैले
असल काम गरेको स्रेय दिनेछन् सबैले।
नायिका जस्ती पियारी पाई खुशीले दङ्ग छु
सोच्दा त लाग्छ अहिले म त अप्सरा संग छु।
मायाको शिकारी हु म मुटु भित्र तिर हान्छु
मायाको भिकारी हु म नपाएमा पीर मान्छु।
तर्केर नहिड अब, हातमा समाई लान्छु
यो मुटुको पिजडामा बन्दी बनाएर राख्छु।
यदि तिम्रो मुटु भए प्रतिरोध गर्न आउ
मायाको महा-युद्धमा भाग लिएर देखाउ।
धेरै बेर लडे पछि वार अनि पार हुन्छ
कि दुबैको जीत हुन्छ, कि दुबैको हार हुन्छ।
तिमी पानी हुनु प्रिय, यदि आगो भए भने
चुम्बकले खिची देउ, यदि टाढा गए भने।
नठोसी बल्दैन आगो,मायाले प्रहार गर
दुई मुटु एक पारी मायाको सागर तर।
आजभोलि सस्तो माया बजारमा भेटिन्छ
उस्ले भन्दै थियो कतै हजारमा भेटिन्छ।
भू•पु• माया संग थिए धेरै कुरा गर्न
जति खेर भेट हुन्छ,हतारमा भेटिन्छ।
दिउँसै बत्ती बालेर खोजे पनि यहाँ
राम्रा गुण भएका दुई-चारमा भेटिन्छ।
माया गर्छु भन्ने हरु कति हुन्छन् कति
बिहे गरौं भन्दा खेरी दोधारमा भेटिन्छ।
छलकपट गरे पनि जति बाठो भई
गल्ती सबै स्पस्ट त्यो मुहारमा भेटिन्छ।
दुई चार पैसा कमाउन
जाँदैछु प्यारी जागीरमा
फर्केर आई भेटौंला
लेखेको भए तक्दीरमा।
आँखामा आँसु नझरोस
छुट्टिएर बस्नु नपरोस्।
एकै छिन नभेट्दा
तिम्रै यादले सताउने
बिरानो लाग्छ संसार
बर्ष कसरी कटाउने।
आखामा आँसु नझरोस
छुट्टिएर बस्नु नपरोस्।
जाने मन त कहाँ थियो
बाध्यताले जाँदैछु
तिम्रो मायालाई मुटुमा
सजाएर जाँदैछु।
आँखामा आँसु नझरोस
छुट्टिएर बस्नु नपरोस्।
बस्ने कोसिस गर्नेछु
तिम्रै फोटोमा छोएर
दिन बित्छन् होला
सम्झनामा रोएर।
आँखामा आँसु नझरोस
छुट्टिएर बस्नु नपरोस्।
अबश्य भेट हुनेछ
बिछोड संग नहार
प्रदेश जाने बेलामा
प्यारी आँसु नझार।
आँखामा आँसु नझरोस
छुट्टिएर बस्नु नपरोस्।
भोलिको दिन सोचेर
आँसुले आँखा रुझाउने
मनको माया टाढिदा
कसरी चित्त बुझाउने।
आँखामा आँसु नझरोस
छुट्टिएर बस्नु नपरोस्।
केही त गर्ने मन थियो
गाउँमै मेरो बिचारमा
बिदेश जानु लेखिएछ
अभागी मेरो निधारमा।
आँखामा आँसु नझरोस
छुट्टिएर बस्नु नपरोस्।
तिमी नआए सम्म
आँखा बिछ्याई बस्नेछु
तिमी लाई केही भएमा
छाँगा बाटै खस्नेछु।
आँखामा आँसु नझरोस
छुट्टिएर बस्नु नपरोस्।
बिस्वास राख बुद्धमा
चाहेको कुरा पाउनेछ
हाम्रो माया साँचो छ
भेटिने दिन आउनेछ।
आँखामा आँसु नझरोस
छुट्टिएर बस्नु नपरोस्।
दस्तावेज तयार पार भित्री मन बाट
पिरतीको बहस गर अब सदन बाट।
आशा गर्छौं सधैं हामी रास्ट्र बाट धेरै
रास्ट्रप्रेम सिक्ने कि सहिद लखन बाट।
प्रदुषित पार्छौ आफैं बिकार बस्तु फाली
स्वच्छ सास लिन खोज्छौ तिनै पवन बाट।
धोकेबाज प्रियसीले हुनु पर्छ जानेको
भमराको लोभी नजर,लप्पनछप्पन बाट।
जस्तो आयौं उस्तै जान्छौं,घमण्ड नगरौं
गोजी राखिएको हुन्न,सिकौं कफन बाट।
घर,खेत बेची कान्छो खाडी आएको छ
काम गर्दा पसिनाको बाढी आएको छ।
मेरो श्रीमान् अरबको लाहुरे हो साथी
हेर उपहार राम्रो साडी आएको छ।
बिदेशको सडक हेर्दा हामी सुतिएछौ
माहुरीको ताती जस्तै गाडी आएको छ।
बिदेशमा काम गर्दा सुत्न नपाउदा
यस्तो लाग्छ निद्र घरै छाडी आएको छ।
केही सीप नसिकेर बिदेशमा आउदा
बिदेशीले भन्दै छन् अनाडी आएको छ।
खान्छु अब आफ्नै देशमा पसिना बेचेर
खोल्छु पसल,बस्छु मिठा-मसिना बेचेर।
कोही मान्छे यति सम्म अल्छी भएछ
खाएछ उसले त गुरु-दक्षिणा बेचेर।
सबै भन्दा बाठो मान्छे पण्डित नै होला
अति कमाएका दिन र महिना बेचेर।
गरीबीको कारणले ज्वाइँ भईएन
लगन अन्तै सारिएछ चिना बेचेर
सन्तुष्ट र सरल जीवन जिई रहेका छन्
घर छेउमै चट्पटे र पुदिना बेचेर।
यादै यादहरुको श्रृङ्खला हुदैछ
बिस्तारै जिन्दगी अबला हुदैछ।
अनायसै मुटु दुख्दैछ बेसरी
लाग्छ कतै बाट हमला हुदैछ।
भक्कानिन्छ छाती,आँखा पानी पानी
एक्कासी अबरुद्ध गला हुदैछ।
अतीत बिर्सेर बाच्नु पर्छ भनी
साथी हरु बाट हौसला हुदैछ।
आँसु दबाएर हास्न खोज्नु पनि
जिन्दगीमा एउटा कला हुदैछ।
समय अनुसार म चल्न सकिन
मैले आफू लाई बदल्न सकिन।
लप्पन छप्पन गरे सफल भईन्छ
निस्ठुरीले जसरी छल्न सकिन।
सधैं बाङ्गो टिङ्गो बाटोमा हिडेर
पैसाको लागि तल ढल्न सकिन।
ताप्दैनन् कसैले निभेको त्यो आगो
दुनियाँको सामूमा बल्न सकिन।
बिसालु सर्पले झै लुकी र छिपी
दूध पिई बिस ओकल्न सकिन।
समय अनुसार म चल्न सकिन
मैले आफू लाई बदल्न सकिन।
लप्पन छप्पन गरे सफल भईन्छ
निस्ठुरीले जसरी छल्न सकिन।
सधैं बाङ्गो टिङ्गो बाटोमा हिडेर
पैसाको लागि तल ढल्न सकिन।
ताप्दैनन् कसैले निभेको त्यो आगो
दुनियाँको सामूमा बल्न सकिन।
बिसालु सर्पले झै लुकी र छिपी
दूध पिई बिस ओकल्न सकिन।
फाटिएको मुटु मेरो टाल्न सकिएन
न त मुटु झिकेर नै फाल्न सकिएन।
मेरो शुद्ध माया संग उनको मिसिएसी
अशुद्ध त्यो माया मैले चाल्न सकिएन।
संझनाका छालहरु छचल्किन थाल्छन्
आगो भित्र ती संझना बाल्न सकिएन।
न त बाच्न न त मर्न सकिरहेको छु
जिउदै ज्यान खाल्डो भित्र हाल्न सकिएन।
फलामको मुटु भए पग्लिन्थ्यो कि बरु
पत्थरको मुटु उनको पगाल्न सकिएन।
सेब्रु नाच्न आउँछ कि आउदैन
कम्मर भाच्न आउँछ कि आउदैन।
सामान्य छ हाम्रो यो परिवार
भाडा माझ्न आउँछ कि आउदैन।
माया बिना खुशी हुदैनन् कोही
माया साच्न आउँछ कि आउदैन।
मुस्कान बिना अन्धकार झल्किन्छ
मीठो हास्न आउँछ कि आउदैन।
छुट्याउनुछ सही के, गलत के हो
तथ्य दाज्न आउँछ कि आउदैन।
दिन भरी बोर हुन्छ काम छैन भने
कोही भने चोर हुन्छ काम छैन भने।
सरकारी कर्मचारी सुखले मातेका
तैपनि कठोर हुन्छ काम छैन भने।
फटाहाको संगतले थाकी बिसाउन
प्रहरीको खोर हुन्छ काम छैन भने।
केटीले नि पत्याउदैन जोर हुन लाई
प्राय:त्यो बिजोर हुन्छ काम छैन भने।
काम गर्न लाज हुन्छ पढे लेखे पछि
हर्षले बिभोर हुन्छ काम छैन भने।
ओठ किन चुच्चो पार्छन् सेल्फी खिज्दा खेरी
नशालु ती आँखा मार्छन् सेल्फी खिज्दा खेरी
जस्तो रुप उस्तै फोटो खिचे भई हाल्छ
असली रुप बिगार्छन् सेल्फी खिज्दा खेरी।
अलि अलि परिबर्तन गरे त ठिकै हो
अनुहार नै निचार्छन् सेल्फी खिज्दा खेरी।
फोटो खिच्ने बेला केही कुराको ध्यान छैन
कान्लामुनि ज्यानै झार्छन् सेल्फी खिज्दा खेरी
वाक्क दिक्क हुँदा पनि संगै हिड्ने साथी
अब एउटा भनी टार्छन् सेल्फी खिज्दा खेरी।
चन्द्ररुपी मोरी भेट्दा धर्ती झलमल हुन्छ
छड्के हेरी आँखा मार्दा मनै अलमल हुन्छ।
मुटु भित्र भुईचालो ल्याएर खै कता गई
अनायसै जिन्दगीमा त्यसै हलचल हुन्छ।
यता खोज्छु,उता खोज्छु,कतै पनि भेटिदैन
निर्मोहीको पछि लाग्दा पानी खलखल हुन्छ।
गार्हो रैछ बिपनीमा अप्सराको माया पाउन
सपनीमा उनी संग धेरै छलफल हुन्छ।
शक्तिशाली क्यामेरा हुन् हाम्रा दुई आँखा पनि
खिचेका ती तस्वीरहरु दिल्मा हरपल हुन्छ।
धेरै भयो महाजनको कठपुतली भएको
बाध्यताले पेट पाल्न साउको हली भएको।
ज्यानै मारेर कसरी पुण्य कमाउछौ भन
देख्न सक्तिन मन्दिरमा पशुको बली भएको।
आफ्नो स्वार्थ सिद्ध गर्न सबै गर्न तयार छ
पक्कै पनि हुनु पर्छ समय कली भएको।
चुनावमा भोट दिन्छौं असल नेता जिताउन
जीत हुन्छ हत्याराको,हुन्छ धाधली भएको।
सगरमाथा माथि हिउँ एक्कासी पग्लिन थाल्यो
बैज्ञानिकको कला हो या,मौसम बदली भएको।
मुटु चोर भनेर म परिचित भएको छु
मायाको अदालतमा उपस्थित भएको छु।
मेरो तर्फ बाट लड्ने वकिल भेटिएन
कसरी मुद्दा जित्ने भयभीत भएको छु
प्रत्यक्षदर्शी साक्षी कोही पनि भएन
माथिको भगवानमा आधारित भएको छु।
पेश भएको प्रमाण ,साक्षीको बयान बाट
हो,म नै मुटु चोर भनी प्रमाणित भएको छु।
उनकै जीत होस भनी म पनि चाहन्थे
मुटु मैले जिते पनि पराजित भएको छु।
मोरीले दिएर स्पर्श होली खेल्दा खेल्दै
दिलाई अनौठो हर्ष होली खेल्दा खेल्दै।
जसरी खेलिन्छ मिली बिना रंग,भेद
मिलेर गरौं संघर्स होली खेल्दा खेल्दै।
त्यो होलीको बहानामा मुटु चोरी लगी
निकाले यही निस्कर्स होली खेल्दा खेल्दै।
कस्ले खोज्छ परिचय,उल्लासमय क्षण
भन्दै थिई उनी नर्स होली खेल्दा खेल्दै।
होलीको यो रंग संगै चैन पखालियो
छिटो आउ अर्को बर्ष होली खेल्दा खेल्दै।
लेकमा फुल्ने चाप,गुराँस,सुनाखरी
नेपाल मलाइ प्यारो,राख्छु मुटु भरी।
बुद्ध जन्मेको देश,सगरमाथाको देश
शान्तिभूमी यो देश,लाग्छ मलाई बेश।
कस्तुरी,मृग,च्याङ्ग्रा,मुनाल,डाफे चरी
नेपाल मलाइ प्यारो,राख्छु मुटु भरी।
साहसी हामी नेपाली झुक्दैनौ कैल्यै नी
शत्रु देखि डराइ लुक्दैनौ कैल्यै नी।
हिमाल,पहाड,नदी हेर्छु घरी घरी
नेपाल मलाइ प्यारो,राख्छु मुटु भरी।
नेपालको सरकारी जागिर गरे पछि
तलब यसै पाकी हाल्छ हाजिर गरे पछि।
सहिद भईहाल्यो भने सालिक सम्म बन्छ
केही पाईदैन देशको खातिर गरे पछि।
मिठा,चिल्ला खानुपर्छ घरमा थर्काएर
दिन भरी फटाहा र फकिर गरे पछि।
नेपालको खेत-बारीमै फल्छ हीरा,मोती
हुन्छ,अबस्य नै हुन्छ आखिर गरे पछि।
सत्ता पाउन,ढाल्नमा नै ब्यस्त नेता हरु
बिकास छैन राजनीति अस्थिर गरे पछि।
सरकार बाट केही पहल भएन
गरीबको कहिल्यै महल भएन।
पाउ तान्ने व्यक्ति धेरै भेटिन्छ
चालिएको कदम सफल भएन।
सबै कुरा यहाँ बिकाउ हुन्छन्
ईमान नबिक्ने पसल भएन।
अतिक्रमण भए जमिन यसरी
हिलो भित्र पनि कमल भएन।
चोरी गर्ने पनि तरीका हुन्छ
सक्कल बमोजिम नक्कल भएन।
चोखो माया लगाउदै बिछोड भई दिन्छ
त्यसैले पागल प्रेमी बिस्फोट भई दिन्छ।
माया,धोका,मिलन,बिछोड भएर त यहाँ
उपन्यास झैं कहानी बेजोड भई दिन्छ।
माया,पिरती त आज खेल भएको छ
कसले बढी खेलाउने होड भई दिन्छ।
एउटी माथि सबैले आँखा गाडी दिदा
सामूहिक द्वन्द हुन्छ, तोड भई दिन्छ।
अन्तर्जातिय बिवाह भनाइमा हुन्छ
व्यबहारमा सबै बाट बिरोध भई दिन्छ।
बसन्तमा लाको माया शिशिरमा झर्दा
मायाको भर नहुने निचोड भई दिन्छ।
तिम्ले घृणा गर्ने कारण बुझ्न सकिएन
कस्तो रुप गर्यौ धारण बुझ्न सकिएन।
गालीको बर्सात भयो तिम्रो मुख बाट
गर्यौ अनेकौ उच्चारण बुझ्न सकिएन।
बेग्लै संसारमा छौ रे असली नाम फेरि
कस्ले गर्यो फेरी न्वारन बुझ्न सकिएन।
रास्ट्रभक्ती हर नशामा सवार भएका छन्
रोक्दिन्छौ रक्त प्रसारण बुझ्न सकिएन।
उध्याउनुछ खुकुरी, हसिया र कोदाली
अन्तै सार भन्छौ आरन बुझ्न सकिएन।
दुई दिन माया गरी बानी बनायौ
चोट दिएर आँखामा पानी बनायौ।
तिमी लाई माया गरे जुन मुटुले
त्यही मुटु जलाई खरानी बनायौ।
आज भोलि चारैतिर हाम्रै चर्चा छ
शत्रु लाई घत पर्ने कहानी बनायौ।
सम्बन्धमा आगो झोस्न के के गरिनौ
भए,नभएका कुरा-कानी बनायौ।
"माङ"लाई च्वास्स घोच्ने काडा ठानेर
पराई लाई आँखाको नानी बनायौ।
सधैं भरी निस्ठुरीकै आशामा अल्झिएछ
उनै द्धारा थापिएको पासामा अल्झिएछ।
खुशी,सुख आउला भन्दा कहिल्यै नी आएन
हुँदा हुँदा जिन्दगी निराशामा अल्झिएछ।
सियो,धागो केही पनि बन्दैन यो देशमा
सबै सीप,जागर हरु खासामा अल्झिएछ।
जाति,धर्म,भेष-भूसा भन्दा पछाडी पर्यौ
आखिर प्रगती मातृ-भासामा अल्झिएछ।
प्रस्नले भरियो जीवन,उतर पाउन नसक्दा
के होला,कसो होला,जिज्ञासामा अल्झिएछ।
उठौ युवा अध्यारोमा दीप लिएर
बेरोजगारी ती हातमा सीप लिएर।
धेरै भयो उठाएको बन्दुक हातमा
लेख्न थाल कलमको नीब लिएर।
दु:खी अनि गरीबको पहुँच नपुगी
मर्न नपरोस् घाउको पीप लिएर।
असमानताको खाडल पुर्नुछ अब
संग संगै धनी र गरीब लिएर।
मान्छे बाट किन टाढा पशु र पन्छी
नौलो संसार बनाऔं जीव लिएर।
माया बिनाको जिन्दगी नरक हुन सक्छ
तिमी हुँदा सबै कुरा फरक हुन सक्छ।
जन्म दिनु मात्र कुनै ठूलो कुरा होइन
जन्माएर छोडे बास सडक हुन सक्छ।
धैर्यता र साहस भए यात्रा सजिलो छ
कृकेटरुपी जीवनमा शतक हुन सक्छ।
लोकतन्त्र आउँदैमा नियम तोड्नु हुन्न
अनुशासन धेरै ठूलो पदक हुन सक्छ।
गतिशील यो समयको महत्त्व बुझेर
अघि बढौ,भाग्य एकै पटक हुन सक्छ।
माया पिरतीको बार्ता सफल हुन्थ्यो होला
बिस्तारै सम्बन्ध पनि असल हुन्थ्यो होला।
समझदारी भाको भए हामी एक अर्कामा
यो जिन्दगी आज कति सरल हुन्थ्यो होला
कोही कोही मान्छे यहाँ दानव जस्तै हुन्छन्
यदि मानव नै हो भने अकल हुन्थ्यो होला।
दैव भन्दा उच्च छ रे मानवीय चोला
नत्र किन मुर्ती भई अचल हुन्थ्यो होला।
महादेवले जस्तै रुप फेर्न सक्ने भए
यो जवानी कति अदल बदल हुन्थ्यो होला।
गजलको श्रीगणेश गर तिमी मतला लिएर
प्रेम प्रस्ताव गर्छु अब सिंगो गमला लिएर।
मान्छे बाट गल्ती हुन्छ जानेर वा नजानेर
दुनियाँ रमाई दिन्छ पछि बदला लिएर।
नेपाली संगीत लाई विश्व सामू चिनाउन
उठौ साथी मादल,टुङ्ना,अनि तबला लिएर।
कोर मिठा गीत,गजल माला शब्दका उनेर
कसैले त साथ देउ कला र गला लिएर।
हाम्रो रास्ट्र,रास्टृयता अझ बलियो बनाऔं
छाती भित्र सगरमाथा र जलजला लिएर।
जंगली ती जनावरको हुलमा परे पछि
उम्कन गार्हो हुन्छ चङ्गुलमा परे पछि।
परिवारै भताभुङ्ग,लथालिङ्ग हुन्छ
एउटै कपूत सदस्य कुलमा परे पछि।
लाम्खुट्टेले आफू लाई भाग्यमानी ठान्छ
बल्लतल्ल कसै गरि झुलमा परे पछि।
रात्री भोजको आयोजना गरेकोछ उस्ले
फेरि बजेट नबनिने पुलमा परे पछि।
पुरै देश बिरामी छ, मर्माहत भाको छ
सत्ताको विष बिकासको मुलमा परे पछि।
हिजोआज सबै कुरा बेहालमा देखिन्छ
कतै नदेखिने कुरा नेपालमा देखिन्छ।
हाम्रा देशका भविस्यका कर्णधार युवा
कोही नशामा त कोही के तालमा देखिन्छ।
ट्युसन पढ्छु,कापी किन्छु भनी पैसा लिई
बेस्याबृति अनि जुवा को खालमा देखिन्छ।
पढ्न छोडी छोराछोरी फेस्बुक,भाइबर खोल्छ
नानाथरी यो सामाजिक संजालमा देखिन्छ।
बुद्धि,विवेक गुमाएर कोही मान्छे हरु
अज्ञानी पशुहरुको बगालमा देखिन्छ।
हुरी आउनु पहिले हावा मन्द आको हुन्छ
खाना डढ्नु पहिले त सुगन्ध आको हुन्छ।
अचेलका केटा केटी बुझ्न लाई धेरै गार्हो
कस्लाई घृणा अनि को पसन्द आको हुन्छ।
धेरै साथीले सोधे गजल किन लेख्छौ भनी
एउटै जबाफ हुन्छ,मन आनन्द आको हुन्छ।
भविस्यको बारेमा कसै लाई थाहा हुन्न
तर शिशिर पछि पक्कै वसन्त आको हुन्छ।
जब अन्याय अनि अत्याचारले सीमा नाघ्छ
पीडित हरुको आवाज बुलन्द आको हुन्छ।
कुरा सुन्दा कता दु:ख कता गजब आएकोछ
नेपालको जागीर छोडी केटो अरब आएकोछ।
अरबको लाहुरे हो मेरो छोरा हेर साथी
कोही भन्दा कम छैन भनेर गफ आएकोछ।
सुक्ख रोटी,दाल-परट्ठा खाई पैसा बचाईन्छ
मासु-भात खानु पर्छ आज तलब आएकोछ।
सपनाको महल भत्क्यो,ढलेछ आस्थाको खम्बा
बाकस भित्र सजिएर बिचरा शब आएकोछ।
मेरो मित्र बिदेश बाट स्वदेशमा फर्केको छ
बिदेशमा पाएको दु:ख र अनुभव आएकोछ।
सुन-चादी,हीरा-मोती,रहर तिम्रो सुने पछि
मुर्छा पर्छु पोइला गाको खबर तिम्रो सुने पछि।
गयौ तिमी धेरै टाढा यो दु:खी लाई छोडेर
ढुक्क हुन्छु,कहाँ पुग्यौ,सफर तिम्रो सुने पछि।
सुनसानै भएका छन् डाडा,काडा,खोला,नदी
तिमी आफैं छ्क्क पर्छ्यौ असर तिम्रो सुने पछि।
मलाई त छोड्यौ छोड्यौ,उस्लाई पनि छोड्यौ रे
दुनियाँले थुक्ने नै छन् चक्कर तिम्रो सुने पछि।
घर न घाट्की भाकी छ्यौ रे भन्ने समाचार सुने
दु:ख लाग्यो बास बस्ने नगर तिम्रो सुने पछि।
निस्ठुरी लाई गतिलो सबक सिकाउनुछ
माया र घृणा बीचको फरक सिकाउनुछ।
बुझी कन पनि बुझ पचाउने हरु लाई
नैतिकताको पाठ सयौं पटक सिकाउनुछ।
दौरा-सुरुवाल लाउदा पाखे भइन्छ रे
छोराछोरी लाई तडक-भडक सिकाउनुछ।
आत्माघाती गोल होला राजनीतिको खेलमा
सबै जनता लाई गोल-रक्षक सिकाउनुछ।
सिकाउने भन्दा बरु सिक्ने हरु थाक्लान्
सिकाउनेले निरन्तर अथक सिकाउनुछ।
राम्रो संग बाँधे थैला,चोर लाउनु पर्दैन
राती भए खैला-बैला,चोर लाउनु पर्दैन।
जो चोर उसैको ठूलो स्वर हुन्छ अरे
आनीबानी सुधार पैला,चोर लाउनु पर्दैन।
मन मुटु छुने परी र जवानी देखेर
हुन सक्छ मन मैला,चोर लाउनु पर्दैन।
आकास खुल्ला भए झैं खुल्ला हुन सक्छ
कसैको मुटुको दैला,चोर लाउनु पर्दैन।
हात,खुट्टा सद्दे हुँदै किन चोर्नु पर्यो
नचोर,बरु हात फैला,चोर लाउनु पर्दैन।
दिल तोडी दिन्छौ पटक पटक किन
मायाको वार्तामा हुन्नौ लचक किन।
बेवास्ता गरेर कतिन्जेल हिन्छ्यौ
स्वीकृतिको कुनै छैन छनक किन।
मेरो माया देखि डराएर तिमी
भागिरन्छौ टाढा भई अथक किन।
पागल भए क्यारे तिम्रो जवानीमा
नाच्छौ आँखा भरी छमक छमक किन।
तिम्रो जोवन अन्तै दिए अर्कै कुरा
तिम्रो मन जित्न लाग्छ दशक किन।
मन भई दिन्छ चन्चल माया बसे पछि
अध्यारोमै हुन्छ झल्मल माया बसे पछि।
कति धेरै आतुरी हो माया भेट्न लाई
निस्कन्छ पसिना खल्खल माया बसे पछि।
कसले बढी माया गर्ने निचोडमा पुग्न
चौतारीमा चल्छ छल्फल माया बसे पछि।
लुकीछिपी हिड्न थाल्छन् समाजबाट टाढा
सडक भन्दा प्यारो जंगल माया बसे पछि।
बाउ -आमाले छोरी लाई केर-कार गर्दा
ढाटी भन्छे जान्छु पसल माया बसे पछि।
रहरैमा माया पिरिम हुन बेर छैन
बिस्तारै जिन्दगी चिलिम हुन बेर छैन।
यो देशमा नेताहरुको पारा देख्दा लाग्छ
कुनै दिन देश सिक्किम हुन बेर छैन।
प्रविधिको बिकास आज यसरी हुदैछ
सबै मान्छे हरु कृतिम हुन बेर छैन।
बाह्र-मासे बसि दिदा डुबेर नशामा
सिङ्गै शरीर गाजा,अफिम हुन बेर छैन।
महान बन्ने प्रतिस्पर्धा गर्न थाले मानव
"माङ" पनि महामहिम हुन बेर छैन।
कुनै पनि डर हुन्न रक्सी पिए पछि
जिन्दगीको भर हुन्न रक्सी पिए पछि।
बर्बराई ओकालिन्छ मनका सारा कुरा
बाकी केही कसर हुन्न रक्सी पिए पछि।
बन,पाखा,खोला,नाला जहाँ पनि सुत्छ
आफ्नो न्यानो घर हुन्न रक्सी पिए पछि।
सही के हो,गलत के हो,छुट्ट्याउन गार्हो
सत्य,तथ्य ठहर हुन्न रक्सी पिए पछि।
तिरिमिरी झ्याई हुन्छ,धर्ती घुम्न थाल्छ
चिन्ने कुनै अक्षर हुन्न रक्सी पिए पछि।
झुपडीको भन्दा तिम्लाइ महलको बसाइ प्यारो
कति बसे प्रतिक्षामा,अब भयो पर्खाइ प्यारो।
नरोएको दिन छैन,म हासेको पल छैन
नयन बाट आँसु दाना तप्प तप्प झराइ प्यारो।
आफन्तको जीवनमा आधीबेरी आउँदा पनि
तिमी लाई भने सधैं हसाइ र नचाइ प्यारो।
लताएर चोखो माया चढ्दैछौ अर्कैको डोली
तिम्रो यादमा सिकिस्त छु,तिम्रो लागि बधाइ प्यारो।
भन्ने बेला एउटा भन्छन्,गर्ने बेला अर्कै गर्छन्
दुनियाँमा काम भन्दा किन हुन्छ भनाइ प्यारो।
जिन्दगीमा कतै मीठो प्यार भेटिएन
सुख-दु:खमा साथ दिने यार भेटिएन।
तिमी लाई माया गर्छु भन्छे भन्न लाई
मौखिक माया पिरतीको आधार भेटिएन।
धेरै लागे उनको पछि मायाको खोजीमा
अन्धाधुन्दा पछ्याउनुको सार भेटिएन।
डुबिसके एकोहोरो मायाको सागरमा
जति पौडी खेले पनि पार भेटिएन।
जिन्दगीको परिभाषा खोज्दै थाकी सके
यस्को कुनै नाप,तौल,आकार भेटिएन।
अबिस्मरणिय क्षण हुने संयोग चाहियो
एकान्तमा टोलाइरहने यस्तो रोग चाहियो।
बाउ-बाजेको कमाइ खाई धेरै माती हिडियो
गतिलो पाठ सिकाउने कन्त बिजोग चाहियो।
पिरतीको निबेदन मैले पेश गरेको छु
स्वीकृतिको संकेत मिल्ने हरियो तोक चाहियो।
बर्सौ भयो माया बाट बिछोडिएको पनि
हराएको माया भेट्ने मिलन चोक चाहियो।
कमाएर टन्न पैसा मोज मस्ती गरियो
सुख-दु:खमा साथ दिने कोही त लोक चाहियो।
याङ्जीको जोवन देखेर
यो मुटु खायो कटक्कै
मध्य त राती भैसक्यो
निद पनि आएन पटक्कै।
घुम्नलाई गाडीमा सरर
जाउ बरु काठ्मान्डु शहर।
दोल्खाली पासाङ भनेसी
मै पनि हुन्छु भुतुक्कै
तिमी र म चाहिँ मिलेर
भागेर जाउला सुटुक्कै।
घुम्नलाई गाडीमा सरर
जाउ बरु काठ्मान्डु शहर।
यो ज्यान केबल तिम्रै हो
पर है मेरो भरैमा
ऐराग सगुन लिएर
माग्नलाई आउछु घरैमा।
घुम्नलाई गाडीमा सरर
जाउ बरु काठ्मान्डु शहर।
सिङ्गा त पुरको लाहुरे
मलाई हेर्न आइसके
घरको बाबा आमाले
त्यतै दिन लाइसके।
घुम्नलाई गाडीमा सरर
जाउ बरु काठ्मान्डु शहर।
तिमी त मेरो म तिम्रो
अरुले पाउन सक्तैन
चोखो मायाको बीचमा
कोही पनि आउन सक्तैन।
घुम्नलाई गाडीमा सरर
जाउ बरु काठ्मान्डु शहर।
यो मेरो जिन्दागानीमा
तिमी लाई पाउने रहर
तिमी लाई पाउन नसके
पिएर मर्छु जहर।
घुम्नलाई गाडीमा सरर
जाउ बरु काठ्मान्डु शहर।
आफ्नो मायाको लागि
लडेर म देखाउछु
म पनि मर्दकै छोरा हु
गरेर म देखाउछु।
घुम्नलाई गाडीमा सरर
जाउ बरु काठ्मान्डु शहर।
