गजलको श्रीगणेश गर तिमी मतला लिएर
प्रेम प्रस्ताव गर्छु अब सिंगो गमला लिएर।
मान्छे बाट गल्ती हुन्छ जानेर वा नजानेर
दुनियाँ रमाई दिन्छ पछि बदला लिएर।
नेपाली संगीत लाई विश्व सामू चिनाउन
उठौ साथी मादल,टुङ्ना,अनि तबला लिएर।
कोर मिठा गीत,गजल माला शब्दका उनेर
कसैले त साथ देउ कला र गला लिएर।
हाम्रो रास्ट्र,रास्टृयता अझ बलियो बनाऔं
छाती भित्र सगरमाथा र जलजला लिएर।
No comments:
Post a Comment