कुरा सुन्दा कता दु:ख कता गजब आएकोछ
नेपालको जागीर छोडी केटो अरब आएकोछ।
अरबको लाहुरे हो मेरो छोरा हेर साथी
कोही भन्दा कम छैन भनेर गफ आएकोछ।
सुक्ख रोटी,दाल-परट्ठा खाई पैसा बचाईन्छ
मासु-भात खानु पर्छ आज तलब आएकोछ।
सपनाको महल भत्क्यो,ढलेछ आस्थाको खम्बा
बाकस भित्र सजिएर बिचरा शब आएकोछ।
मेरो मित्र बिदेश बाट स्वदेशमा फर्केको छ
बिदेशमा पाएको दु:ख र अनुभव आएकोछ।
No comments:
Post a Comment