आकाश

ओछ्याउने धर्ती हुँदा ओढ्ने आकाश भाछ
सुसाउने साथी मेरो केबल बतास भाछ।

पहाड, पर्वत, हिमाल, नदी ,छहरा, पहरा
निस्वार्थका संकेत हुन्,मीठो आभास भाछ।

फोहोरी यो राजनीति र सबै मान्छे स्वार्थी
भएको देखेर त्यसै मन हतास भाछ।

रोजगारी खोज्दा पाइन,घुस मैले ख्वाइन
कामकै खोजी गर्दा गर्दै ज्यान प्रबास भाछ।

संगै हुँदा झैं-झगडा पर्थ्यो उनी संग
आज टाढा हुँदा भन्छे तिमी नै खास भाछ।

पचास डिग्री तापक्रम सहन गार्हो छ
खाडी देशमा कति बस्नु "माङ"निराश भाछ।