सुन्दरी प्रतियोगिता

ग्राहक पसलमा गएर
इच्छ्याएको सामान
खरिद गर्नु पूर्व
सामानलाई
अवलोकन गर्छ
नियाल्छ
अध्ययन गर्छ
ओल्टाउँछ
पल्टाउँछ
घरी तल हेर्छ
घरी माथि हेर्छ
हातले सुम्सुम्याउँछ
मानौं उसले कहिल्यै देखेको छैन
पहिलोपटक देख्दैछ
आकार हेर्छ
प्रकार हेर्छ
बनेको देश हेर्छ
रंग हेर्छ
रुप हेर्छ
अन्तमा लगाएर हेर्छ
अनुकुल लाग्यो भने
आकार मिल्यो भने
मन पर्यो भने
त्यही सामान किन्छ
नत्र अर्को निकाल भन्छ
फेरि उस्तै पाराले जाँच्छ
धेरै वटा सामान हेरेपछि
बल्ल एउटा छान्छ
जसरी प्रतियोगिता बाट
सुन्दरी छानिन्छ।