प्रवास खाडीमा दुख्छ मेरो देश
बम्बैको कोठीमा दुख्छ मेरो देश
सडकका पेटीमा दुख्छ मेरो देश
मेची र कालीमा दुख्छ मेरो देश।
फाटेको साडीमा,उध्रेको चोलीमा
पुरानो दौरामा, टालेको टोपीमा
सब एकै चोटीमा दुख्छ मेरो देश
एक टुक्रा रोटीमा दुख्छ मेरो देश।
भत्केका सडकमा, भाँचेका पुलमा
अँध्यारो शहरमा,सन्धिको भुलमा
नेताको गोजीमा दुख्छ मेरो देश
शान्तिको खोजीमा दुख्छ मेरो देश।
No comments:
Post a Comment