बयली खेल्ने बृक्षका हाँगा सित रमाउँछु
छङछङ झर्ने झर्ना,छाँगा सित रमाउँछु।
समस्या र अभावले जब आँखा रसाउँछ
अलौकिक हिमालले हाँस्छ अनि हसाउँछ
फूल मात्र हैन म त काँडा सित रमाउँछु
छङछङ झर्ने झर्ना,छाँगा सित रमाउँछु।
पसिनाको सिंचाइमा सपनाको बीउ रोप्दा
सारा दु:ख दूर हुन्छ पवनले स्पर्श गर्दा
दीन,दु:खी,गरीब र नांगा सित रमाउँछु
छङछङ झर्ने झर्ना,छाँगा सित रमाउँछु।
No comments:
Post a Comment