उनले जस्तो अह्रायो,~त्यस्तै टेर्न मन लाग्यो
पिरतीको जञ्जीरले ~स्वयं बेर्न मन लाग्यो।
वाक्क दिक्क भएकोथें दिनै ढिंडो खाँदा-खाँदा
उनीलाई देखे पछि ~~मुख फेर्न मन लाग्यो।
ब्रम्हाचारी जस्तो भई ~गुम्सिएर बसेको छु
कहिल्यै नि नदेखेको संसार हेर्न मन लाग्यो।
ज्योतिषीको खोटी कर्म~ भविष्यवाणी सुनेर
छिट्टै अर्को जन्म लिन घाँटी सेर्न मन लाग्यो।
सकारात्मक नदेखेर ~~धेरै सालको नतिजा
भाग्यलाई झुक्याउन निधार केर्न मन लाग्यो।
अन्तै जान लागेको ~~उनको मायाको तरंग
मतिरै आउने गरी ~~बारले घेर्न मन लाग्यो।
No comments:
Post a Comment