एवार्ड

मैले तिम्रो लागि गर्न त खोजें
तर थोरै मात्र गर्न सकें
जति गर्यौ,जे गर्यौ,तिमीले गर्यौ
तिमीले मलाई दिलमा सजाएर त
आज म सुन्दर भएको छु
नत्र म जस्तो कुरुपको के हाल हुन्थ्यो
मेरो जिन्दगीको
उकाली चढ्यौ
ओराली झर्यौ
जिन्दगीको दौडमा
भोक लाग्दा भोक मेटायौ
प्यास लाग्दा प्यास मेटायौ
आधा थिएँ-सिंगो बनायौ
तिम्रो योगदानको कदर गर्दै
प्रिय तिमीलाई
"लाइफ टाइम एचिभमेन्ट एवार्ड" दिन्छु
चोखो मायाको आजीवन एवार्ड दिन्छु
अनमोल उपहार दिन चाहन्छु
त्यो के हो थाहा छ?
त्यो हो-नानी या बाबु!