एक सपना

अहो!दियालो बनेर छाइदेऊ तिमी
       म अन्धकार निष्पट्टमा चिच्याइरहेछु
म,-तिमीले प्रेमका प्रसाद ल्याउँछ्यौ कि भनेर
       तिम्रै माया,मुस्कान र संझनामा तड्पिरहेछु
मा याहरु अविरल र अविनाशी तिमीमा मेरो
       मन,माया र मुटुको महासागरबाट
या त मुस्कान र प्रेमका प्रसादहरु फेरि
       प्रेमरुपी संसारको मन्दिरबाट
ग ए पनि तिमी मबाट अति टाढा-टाढा
       मनहरु त कति पनि टाढा छैन
र हरहरु अनि सपनाहरु छन्,तिम्रा र मेरा
        झझल्कोले सताइदिन्छ,बिर्सनु छैन
छु म यहाँ तिम्रै यादमा,छौ तिमी त्यहाँ
        तर बिर्सिएछ भनी कहिल्यै नभन्नु
ति म्रा ती माया,मुस्कान र ढुकढुकीहरु
   हरपल मेरा इच्छा र चाहनामा छन्,भुल नठान्नु
मी ठो सपनाको खेती गर्न हरपल,हरदिन
        म तिम्रो संसारमा गैंती बोकेर दौडिरहन्छु
ला मो सम्झना र माया छ तिमीलाई मेरो
        म त्यहीँ सम्झनामा झस्किरहन्छु
ई श्वरले साथ देऊन् हामीलाई
         म सधैं यही बर्बराउँछु
          क्षण-क्षण सपनामा पनि बर्बराउँछु
         अनि विपनामा पनि म यही बर्बराउँछु।