यौटै मुटु सय टुक्रामा चोइटिएका छन्
आँखाहरु त्यसै त्यसै रोइदिएका छन्
मुटु छोडी माया कतै गैदिएको छ
पिरतीको संसार शून्य भैदिएको छ।
ढुकढुकी अनायासै रोकिएको जस्तो
अहिले त लाग्छ सासै रोकिएको जस्तो
हिउँ जस्तै मन पनि चिसिएको जस्तो
त्यसैमा क्यै व्यथा पनि मिसिएको जस्तो।
भमराले फूललाई बिर्से जस्तो लाग्ने
बगैंचाको रंग पनि कस्तो कस्तो लाग्ने
दोष न त फूलको छ,न छ भमराको
पानी नपाई बोट मर्दा,के दोष जराको।
No comments:
Post a Comment