पिरतीको खेल खेल्न सिक्नु हुँदैनथ्यो
हार्नु पर्थ्यो तिमीले नै जित्नु हुँदैनथ्यो।
यो मुटुको कारागारमा बन्दी भयौ तिमी
मेरो मनको बाटो गरी हिंड्नु हुँदैनथ्यो।
नौनी जस्तै पग्लिएर बग्यौ मेरो तनमा
जवानीको आगो भित्र छिर्नु हुँदैनथ्यो।
तातिएका थियौ तिमी फलाम ताते सरी
घन बोकी त्यही बेला पिट्नु हुँदैनथ्यो।
यौवनको फल बनी सलल म खस्दा
कामुकता फिंजाएर टिप्नु हुँदैनथ्यो।
No comments:
Post a Comment