संगीता श्रेष्ठ
तोडियो कसम खाको माफ गरिदेऊ प्रिय
हुने भए म त अर्काको माफ गरिदेऊ प्रिय
म मेरो चोखो मायामा अटल रहन सकिन
खुशी रोजिदिए बाको माफ गरिदेऊ प्रिय।
माङ संग्राम
रुवाउने नै भए किन हिजो हँसायौ भन
साथ दिन्छु भनी किन कसम खायौ भन
स्वार्थ पूरा गर्न छोडेर जानुनै थियो भने
किन झूटो आश देखाई माया लायौ भन।
संगीता श्रेष्ठ
खोसी मेरो हात अर्कालाई दिंदैछ म के गरु?
यो मेरो मुटु जोडले भक्कानिंदैछ म के गरु?
यो जिन्दगीको पाना पल्टनै नसक्ने भो अब
खुशी सकिंदैछ मेरो शिर रंगिंदैछ म के गरु?
माङ संग्राम
बाबालाई बिन्ती गरी पाउ पर्नुपर्छ
नमानेमा दुई कदम अघि सर्नुपर्छ
यात्रा शुरु गर्नु मात्र ठूलो कुरो हैन
माया गरेपछि यात्रा पूरा गर्नुपर्छ।
No comments:
Post a Comment