को सही को गलत,चिन्न पाए हुन्थ्यो
हृदय हेर्ने ऐना किन्न पाए हुन्थ्यो।
आँखा सुन्दर भएपनि दृष्टि फरक हुनसक्छ
बाह्य जस्तो भएपनि भित्री फरक हुनसक्छ
मुखले जस्तै माया दिलले लाए हुन्थ्यो
भावनाको मापक किन्न पाए हुन्थ्यो।
देखिएको असल कुरा खराब पनि हुनसक्छ
आवरण जो भ्रम छर्ने नकाव पनि हुनसक्छ
अरुलाई दिने धोका स्वयं खाए हुन्थ्यो
माया नाप्ने मेशिन किन्न पाए हुन्थ्यो।
No comments:
Post a Comment