यौटी जून अस्ताई
अर्की जून उदाई
दुवै उस्तै चम्किली
दुवै उस्तै रुपशी
दोधारमा परें म त कुनलाई मनमा सजाउनी
जतिपल्ट खोजेपनि देखिएन दाग
जवानीको संगीतमा कति मीठो राग
मनले त भनिरहेछ दुवैतिर लाग
सोचिरहेछु कुन होली बा-आमाको माग
+++
यौटी परी नक्कली
अर्की परी पूतली
दुवै उस्तै पातली
दुवै उस्तै गाजली
दोधारमा परें म त कुनलाई मनमा सजाउनी
सम्पत्तिको नाममा अझै छैन आना सुकी
दिनहरु बित्छन् सधैं नानीहरु ढुकी
छिमेकीले देख्लान् भनी बस्छु लुकी-लुकी
कतै दुवै फुत्किन्छन् कि भनी हुन्छु दुखी
+++
एउटी नानी हँसिली
अर्की नानी फर्सिली
दुबै उस्तै हँसाउनी
दुबै उस्तै लजाउनी
दोधारमा परें म त कुनलाई घरमा सजाउनी
No comments:
Post a Comment