तिम्रो दिलमा स्थायी बास बसिरहँदा मैले
कालापानी,सुस्ता जस्तै मिचिदियो कसैले।
कति नाजुक रैछ मन,दृढ हुन नसक्ने
कति प्यासी रैछ तन,प्यास बुझ्न नसक्ने
फुकाइदियो सजिलै प्रेमको गाँठो कसैले
कालापानी,सुस्ता जस्तै मिचिदियो कसैले।
ज्वालामुखी फुटिजाने कच्चा जमिन रहेछौ
भुकम्पको झट्काले नि धुजा धुजा भएछौ
सुकेको त्यो परालमा लायो आगो कसैले
कालापानी,सुस्ता जस्तै मिचिदियो कसैले।
No comments:
Post a Comment