सगरमाथा आस्थाको ढल्छ तिमी नहुँदा
भरोसाको हिमाल गल्छ तिमी नहुँदा
विश्वासको आकाश खस्छ तिमी नहुँदा
पिरतीको सागर जम्छ तिमी नहुँदा।
तिमी भए मात्र चल्छ मुटुको ढुकढुकी
तिमी भए मात्र जल्छ जिन्दगीको टुकी
रगत पनि बगिदिन्छ तिम्रै इशाराले
इन्द्रियहरु चल्दैनन् आ-आफ्ना पाराले।
सास फेर्न खुशीको तिमी देख्नुपर्छ
संघारमा मनको पाइला टेक्नुपर्छ
सप्तरंगी इन्द्रेणी फिक्का फिक्का लाग्छ
तिमी टाढा भएमा दिक्का दिक्का लाग्छ।
No comments:
Post a Comment