शीर देखि पाउ सम्म
नदेखिने ठाउँ सम्म
सजाउँछु तिमीलाई मनको गहनाले
सजाउँछु तिमीलाई मनको गहनाले।
तिमी मेरो तारा अनि तिमी मेरो जून
सुन,चाँदी,हिरामोती देखावटी हुन्
तन देखि मन सम्म
मुटुको धड्कनसम्म
सजाउँछु तिमीलाई मनको गहनाले
सजाउँछु तिमीलाई मनको गहनाले।
हृदयको छेउ पुगी ध्यान दिई सुन
सुनाउँछु तिमीलाई पिरतीको धून
परेलीको चाल सम्म
छातीको हिमालसम्म
सजाउँछु तिमीलाई मनको गहनाले
सजाउँछु तिमीलाई मनको गहनाले।
No comments:
Post a Comment