मनको संघारमा उभिएर कसैले भन्यो-
म एउटा खुल्ला पुस्तक हुँ
जहाँ जसरी अध्ययन गरेपनि हुन्छ।
अर्कोले ढोकामै ढक्ढ्क्याउँदै भन्यो-
म एउटा आकर्षक डल हुँ
शोकेसमा सजाउ या दिलमा।
कसैले भन्यो -
खुल्ला उद्यान हुँ
रंगीचंगी पुष्पहरु टिप्न सक्छौ।
कसैले भन्यो-
खुल्ला गगन हुँ
मनोमानी उड्न सक्छौ।
कसैले भन्यो -
खुल्ला धर्ती हुँ
ईच्छानूकुल हिंड्न सक्छौ।
कसैले भन्यो -
महासागर हुँ
सकुञ्जेल पौडिन सक्छौ।
कसैले भन्यो-
विशाल पुस्तकालय हुँ
छानीछानी पुस्तक पढ्न सक्छौ
अनि भन्यो-
पुस्तकालयको संचालक तिमी हौ
र तालाचाबी तिम्रै हातमा छ।
सबैभन्दा रिस अन्तिम पात्रलाई उठ्यो
र भनिदिएँ-
मलाई पाले बनाउने बिचार छ कि क्या हो?
अनि तिमीलाई जो आएर सुम्सुम्याए पनि भो?
No comments:
Post a Comment