विहानीको किरण बनी छोए जस्तै लाग्छ
तप्प तप्प शीत बनी रोए जस्तै लाग्छ
गएपछि तिमी माथी,यस्तै-यस्तै लाग्छ।
स्मृतिमा आउँछ्यौ तिमी अझ गाढा बनेर
हेरी बस्छ्यौ रमिता धेरै टाढा बसेर
सिरसिरे हावा बनी छोए जस्तै लाग्छ
श्रावणको झरी बनी रोए जस्तै लाग्छ
गएपछि तिमी माथी,यस्तै-यस्तै लाग्छ।
आफैं मात्र गयौ किन मलाई एक्लै छोडेर
मलाई पनि आउ लिन भन्छु हात जोडेर
हिउँदको हिउँ बनी छोए जस्तै लाग्छ
पहराको झर्ना बनी रोए जस्तै लाग्छ
गएपछि तिमी माथी,यस्तै-यस्तै लाग्छ।
No comments:
Post a Comment