जाने बेला नरोकेर टोलायौ तिमीले
धेरै टाढा पुगेपछि बोलायौ तिमीले
मेरा केही बाध्यता छन् फर्की आउनलाई
हराएको माया फेरि फिर्ता पाउनलाई।
गएपनि जाओस् भन्ने तिम्रो भावना थ्यो
नजाउ भनी रोकोस् भन्ने मेरो चाहना थ्यो
गरिदिएँ पूरा तिम्रो मनको चाह लाई
ढुंगा हानी गल्ती गर्यौ जमेको दहलाई।
गल्ती उस्तै दोहोरिए अरु कसैसँग
हुनसक्छ फेरि पनि आफ्नै जीवन भंग
मन आकाश हुनुपर्छ माया लाउनलाई
गुमाउनुपर्छ धेरै केही पाउनलाई।
No comments:
Post a Comment