आवाज तिम्रै,गुञ्जिन्छ अझै,मेरो कानमा
उत्तिकै माया,लाग्दैछ प्यारी,अझै मनमा
कम्जोरी कस्को,भैदियो कुन्नि,तिमी जानमा
लागेको हो कि,सायद तिम्रो,आँखा धनमा।
नजोख्नु होला,पिरतीलाई,चाँदी सुनसंग
नदाँज्नु होला,जवानीलाई,तारा जूनसंग
बैँस त भरे ढल्केर जाने रात जस्तै हो
शिशिर याममा झरेर जाने पात जस्तै हो।
फर्केर आउ,मागौंला माफी,गर्छु प्रतीक्षा
भैदिन्छ गल्ती,भएनी जस्को,गरौं समीक्षा
फकाउ तिमी,कहिलेकाही,मैले फकाउँला
अहिलेसम्म रहेछौं काँचो,संगै पाकौंला।
No comments:
Post a Comment