मन दुख्छ मेरो दु:ख हुँदा तिमी लाई
साथ दिन्छु मैले पनि रुदा तिमी लाई।
सोच्न सक्तिन अर्काको,तिमी सिर्फ मेरो
मुटु जल्छ पराईले छुदा तिमी लाई।
तिम्रो उपस्थितिमा नै सुन्दर हुन्छ जीवन
छेउ राख्छु मन्को मैलो धुदा तिमी लाई।
वर्णन गरि साध्य छैन तिम्रो सुन्दरताको
तैपनि म लेखिदिन्छु बुदा तिमी लाई ।
म मरेर गए पनि तिमी बाची दिनु
दुनियाँले देखोस सधैं ज्युदा तिमी लाई।
चोखो माया पाए मुटु शित्तल हुन्छ
माया नपाएमा कालो बादल हुन्छ।
चलचित्र राम्रो निर्देशकले गर्दा
नेता राम्रो भए देशै सफल हुन्छ।
साचो,चोखो माया मार्गदर्शक नै हो
गाह्रो,जटिल बाट जीवन सरल हुन्छ।
स्वर्ग जस्तो ठाउँ नर्क हुँदै जान्छ
माया पिरतीको जहाँ पसल हुन्छ।
राजनीति हुँदैछ मायाको संसारमा
यहाँ हुन्छ बिछोड,मायामा छल हुन्छ।
मायाको पनि त धेरै रुप हुन्छ
कुनै झूटो ,कुनै गङ्गाजल हुन्छ।
कुनै माया ठोस र कुनै तरल हुन्छ
त्यसैले त बेला-बेलामा कल हुन्छ।
जे जस्तो भए नि आखिर सार एउटै
चोखो माया सधैं-सधैं अटल हुन्छ।
तिमी लाई बेवास्ता गरेर म कहाँ जाउँ
तिम्रो मनबाट डेरा सरेर म कहाँ जाउँ।
सफल्ताको शिखरमा पाउ टेक्न चाहन्छु
ओरालोमा लुरुरु झरेर म कहाँ जाउँ।
मेरो यो जिन्दगीको गन्तव्य नै तिमी हौ
सुख,खुशीको झोली भरेर म कहाँ जाउँ।
मेरो धन र खुशी भन्नू नै तिमी त हौ
पैसाको प्रलोभनमा परेर म कहाँ जाउँ।
तिमी साथमा लिएर यात्रा गर्नुछ मलाइ
तिमी छोडेर नदी तरेर म कहाँ जाउँ ।
सोधेकोछु भन्नू होला तर्की जाने लाई
संघारमा पुगेर नि फर्की जाने लाई ।
आ'की थिई आज मेरो आगनमा परी
मग्मग बसाउने अत्तर छर्की जाने लाई।
मेरी मन्की रानी उनी छे अति सुन्दरी
तर बोल्न खोज्दा मैले झर्की जाने लाई।
नागबेली केश उन्को ,पिपल्पाते ओठ
नायिका झैं लरक लरक लर्की जाने लाई।
सोधेको छु भन्नू होला तर्की जाने लाई
संघारमा पुगेर नि फर्की जाने लाई ।
माया एउटा सित,बिहे अर्को सित
सोद्धा पनि बोल्छे उनी झर्को सित।
मेरो सानो गल्ती, ठुलो भो सजाय
कुरा गर्दा भन्छे अब चर्को सित ।
सम्बन्ध गासिछे अन्जान व्यक्ति संग
सिन्दुरको चिम्टी सानो धर्को सित ।
एकान्त प्यारो भो मेरो लागि आज
रक्सी र चुरोटको दुई सर्को सित ।
घरजम गर्छु म नि एउटीलाई खोजेर
मन अन्तै होला, तन घर्को सित ।
सत्ता-समीकरण ओली फेर्दै छन्
सत्तामा पुगे'सी बोली फेर्दै छन् ।
दुब्लाएर अति भएका थिए
मोटाएर अब चोली फेर्दै छन् ।
खिया लागि सक्यो भन्छन् पैलेको
पुरानो बन्दुकमा गोली फेर्दै छन्।
यो गर्छु,त्यो गर्छु भनेर भन्थे
आज देख्छु उनी झोली फेर्दै छन्।
सुसेली बाट नै बुझे सबैले
देश हैन आफ्नो भोलि फेर्दै छन्।
नायक बनेर चर्चामा उनी
चलचित्र भित्र टोली फेर्दै छन्।
बिहे त भैसक्यो ओली काकाको
फेरि पनि उनी डोली फेर्दै छन् ।
स्वदेशमै रमाउने बिचार छ मेरो
विदेशिनु नै लेखेको निधार छ मेरो।
आज बिदेशी भुमीमा भए पनि म
मातृभुमी प्रती माया अपार छ मेरो।
पलायन हुने मन त थिएन हजूर
बाध्यताले आज यहाँ रोज्गार छ मेरो।
कुर्सीकै छ तानातानी नेता हरुको
अति लाचार भएको सरकार छ मेरो।
सर्बसाधारणले किन्न नसक्ने गरि
महँगीले चर्किएको बजार छ मेरो।
जमाना आधुनिक हुन्न,डिस्को-बार धाउदैमा साथी
ट्याटु खोपी च्यातिएको कपडा लाउदैमा साथी।
जब सम्म जनताले पाउदैनन् खुशी र सुख
जनताको तन्त्र हुन्न,लोकतन्त्र आउदैमा साथी।
असली देशभक्ती त मन-मुटु भित्र हुन्छ
दुई-चार गीत देश- भक्तिका गाउदैमा साथी।
देखिन्छ यिनै आँखामा पीडा,व्यथा सबै कुरा
लुक्दैन कहिल्यै पनि दु:ख लुकाउदैमा साथी।
मानवीय सुन्दरता भित्र नै लुकेको हुन्छ
सुन्दर हुँदैन बाहिरी रुप देखाउदैमा साथी।
हत्या,हिंसा मचायो त परिवर्तन कहाँ छ खै
हजारौंको बली दिने महा-सज्जन कहाँ छ खै?
नेपाल लाई स्वीजर्ल्यान्ड बनाउछु भन्थे उनी
विकासको नामै छैन अझैनि झन कहाँ छ खै?
जुका टासे जस्तै गरी टासिरहन्छ सत्तामा
जनता तिर ध्यानै छैन,उसको मन कहाँ छ खै?
लुट्नु लुट्यो देश लाई अरबौ कमायो पैसा
अरुको नै नाममा छ रे,त्यो कालोधन कहाँ छ खै?
गरीब र शोसितको निम्ति लड्छु भन्ने उसको
ढोङ्गी,स्वार्थी,नाटकीय नक्कली प्रण कहाँ छ खै?
यता उता पल्टिँदैछु,म निदाको छैन सानू
मोबाइलमा आँखा तर्छु,संदेश आको छैन सानू।
धेरै दिन भई सक्यो भाको छैन भेट हाम्रो
कस्तो छ खबर पनि मैले पाको छैन सानू
भोकै छौ कि प्यासमा छौ,कसरी थाहा पाउनु
तिम्रो यादमा आज मैले खाना खाको छैन सानू।
जती पल्ट फोन गर्छु,खै लाग्दै लाग्दैन किन
नलागेसम्म फोन म,ढुक्क भाको छैन सानू।
यदि मेरो माया भए तिमीले सम्झिनु पर्ने
मेरो मायाले तिम्लाइ के सताको छैन सानू?
अचेल प्रेमी-प्रेमिकाले मुकुन्डो लाए हुन्छ
एक अर्काले जे चाहेको सजिलै पाए हुन्छ।
नाइँ-नास्ती गरी किन मुख लाई दु:ख दिन्छौ
खानु पर्ने कुरा सबै खुरुक्क खाए हुन्छ।
डेटमा जाने समयमा बेडमै गए हुन्छ नी
छोरा,छोरी के पाउने खाका बनाए हुन्छ।
जेजे बाकी राख्नु पर्थ्यो,केही छैन साथमा
रोमान्सको खातिर झट्ट खाता पल्टाए हुन्छ।
तिम्रो जीवनमा कोही थियो थे'न नसोध
दुई,चार जति थिए,त्यति बताए हुन्छ।
छिटो बाटो रोज्नु अब एकाइसौ शताब्दीमा
गर्ने काम गर,आँखा,पछी जुधाए हुन्छ।
जानी नजानी दुई चार गजल कोर्नु थियो
सोल्टिनीको मन,मुटु चट्टै चोर्नु थियो।
म्याग्मा जस्तै तातिएर मनको कुरा जम्या छ
मौका पारी उनको सामु झट्टै फोर्नु थियो।
कति बाच्नु टाढिएर,सधैं तड्पिएर
उनको अनि मेरो मुटु संगै जोर्नु थियो।
मन मेरो छताछुल्ल पोखिएको बेला
उनी आए यी अँजुली भरी सोर्नु थियो।
जानी नजानी दुई चार गजल कोर्नु थियो
सोल्टिनीको मन,मुटु चट्टै चोर्नु थियो।
कुनै नाता हरु तोड्नु पर्ने हुन्छ
तोडे पछि फेरि जोड्नु पर्ने हुन्छ।
एकोहोरो रोटी पाक्दैन साथी हो
कोही छोडी कतै मोड्नु पर्ने हुन्छ।
यात्रा हो जिन्दगी,भेट हुन्छ धेरै
भेटिएका साथी छोड्नु पर्ने हुन्छ।
आफ्नो लक्ष्य चुम्न निरन्तर लाग्दा
आइपरेका बाधा फोड्नु पर्ने हुन्छ।
गाह्रो रै'छ बाच्न संसारमा साथी
सधैं हाड र छाला घोट्नु पर्ने हुन्छ।
घाइते पारे पछि अब मारे हुन्छ
सय टुक्रा जति मलाइ पारे हुन्छ।
शिखरमा चढ्दा बीचमा छोडे पछि
अब केको चिन्ता तलै झारे हुन्छ।
तिम्रो मन पर्ने मादल बनाउन
छुरीले यो मेरो छाला तारे हुन्छ।
निर्णय त गर्यौ अर्कै बाटो रोज्ने
भो भो तिम्रो माया अन्तै सारे हुन्छ।
जिउदो लास आज बनाइ छोडे पछि
मर्यो भन्दै अब नुन बारे हुन्छ ।
उनीले जस्तो माया जोख्न सक्तिन म
छोडेर जाने लाई रोक्न सक्तिन म।
गरिन्छ माया भित्री मन मुटु बाट
मायाको भीख माग्न ढोक्न सक्तिन म।
अमूल्य हुन्छ माया,हुन्न यो बिक्रीमा
मुटुको कुनै मूल्य तोक्न सक्तिन म।
मुखमा हुन्न माया,मुटुमा हुन्छ यो
धेरै माया भनेर खोक्न सक्तिन म।
पवित्र माया लाई अपमान गर्न
धोखेबाजको सामुन्ने पोख्न सक्तिन म।
तीखे भनेर के गर्नु,जस्को सिङ नै छैन भने
टाला बोकेर के काम,जहाँ हिङ नै छैन भने।
ठाउँ न ठहर हजूर, बुढीको कस्तो रहर
पार्क गर्न खोज्छे गाडी ,पार्किङ नै छैन भने।
मादलुको ताल हुन्छ,सारङ्गीको धून हुन्छ
चुरा लाको ब्यर्थ हुन्छ छिङ-छिङ नै छैन भने।
जुवा,तास, देउसी,भैलो खेली मात्र काफी छैन
के दशै,केको तिहार, जहाँ पिङ नै छैन भने।
नारी-पुरुष दुई पाङ्ग्रा,हुन् नी एउटै रथका
स्त्री मात्र भई के गर्नु,पुलिङ नै छैन भने।
खुचिङ खाइस नभन सानू
दु:ख पाइस नभन सानू।
म त अझै तिम्रै मान्छे हू
अन्तै छाइस नभन सानू।
आएको छु तिमीलाई भेट्न
किन आइस नभन सानू।
भेट्न,बोल्न मन लाग्छ नि
ब्यर्थै धाइस नभन सानू।
चोखो माया ला'को छु मैले
झूटो लाइस नभन सानू।
मलाइ हेर्न निस्केकी बारदली याद आउँछ
ईसाराले जिस्केकी झलझली याद आउँछ।
नजर हाम्रो जुधेर माया बस्यो यसरी
खुलेर हास्ने,बोल्ने चंचली याद आउँछ।
बाच्न सक्ने थिएनौं एक अर्का बिना त
भेट्न जांदा पसिना खलखली याद आउँछ।
एकान्तमा उनी-म, हावा चल्दा सरर
ओढेको त्यो पछ्यौरी-मखमली याद आउँछ।
एक्कासी शहरमा बसाइँ सरी उनी
दुब्लाएकी छे भन्छन् ,पातली याद आउँछ।
दु:ख-सुखका कुरा गर्थ्यौ मिलेर हामी
हात समाइ हिंडेको ती गली याद आउँछ।
ओठमा लाली अनि ती आँखामा गाजल
लाइ देउ भन्ने उहीँ नक्कली याद आउँछ।
पेस्तोल ननिकाल भो फुलबुट्टे चोली बाट
पागलै नबनाउ भो मिठास त्यो बोली बाट।
असारेको रोपाइँमा हात कतै,आँखा यता
छाती मेरो छेडिदिन्छ नजरैको गोली बाट।
सातै रंग पोतिएकी,लाग्छ परी झरेकी छे
उफ्रिदा ती हलचलले भुइँचालो होली बाट।
अलिकती त्यो फरिया के सरेको थियो माथी
यौवनको आगो लाग्यो तर्दा खेरी खोली बाट।
चढ्छे,झर्छे बिहानीमा,उकाली र ओरालीमा
झर्दा खेरी स्याउ-दाना झरे जस्तै झोली बाट।
ताज पनि खोसियो कु गरे पछि
जनताले उ माथी सु गरे पछि।
तरवार भन्दा पनि जनता बलियो
निरंकुश पनि ढल्छ फु गरे पछि।
एकपल्ट झुके'सी उठ्न लाई गाह्रो
जनताले नेता लाई थु गरे पछि।
चर्चाको शिखरमा छन् कोही नेता
परेको काम जसले तु गरे पछि।
ताज पनि खोसियो कु गरे पछि
जनताले उ माथी सु गरे पछि।
भन्नू पर्ने धेरै धेरै कुरा छन्
गुम्सेर मनमा सब अधुरा छन्।
बतीसै लक्षण युक्त छ्यौ तिमी
हुनु पर्ने जे जे सबै पूरा छन्।
फराकिलो अति बिचार तिम्रो
बरु व्यक्त गर्न ठाउँ साघुरा छन्।
होसियारी हुनु हमेसा तिमी
समाजमा कोही ब्यक्ति छुरा छन्।
थोरै कुरा भने मैले तिमीलाई
अझै नि कुराका त चुचुरा छन्।
म संग सीप अनि कला छ
सुरिलो,मिठो गाउने गला छ।
बेच्दिन कला,बाडी हिन्छु म
न त धन न घरको तला छ।
मनोरञ्जन नै मेरो सन्तुष्टि
लाग्छ मलाई मन भला छ।
पाउनु छैन कुनै एवार्ड
म आफैं संग मुकाबला छ।
लोभ,इर्स्याले ग्रसित समाज
रोगी बिचारले अति थला छ।
बिर्सन कहाँ सक्छु र खेलेको जुहारी सानू
झलझली याद आउँछ तिनै लुकामारी सानू
बर्षाले खोलो बढेको, थिएन नी तर्ने पुल
आँखा-आँखा जुधाएर हेर्यौ वारीपारी सानू।
हाम्रो माया देखि खुशी भएका थिएनन् कोही
बाबा-आमाले लखेट्दा भाग्यौ सिस्नु घारी सानू।
संगै खेली,संगै हुर्की,आज टाढा भयौं प्यारी
मैले जे जे भने नि मान्थ्यौ,थियौ आज्ञाकारी सानू।
तिमी छ्यौ गाउँबेशीमा म प्रदेशी भुमीमा छु
हाम्रो दुस्मन बन्यो आज यो बेरोजगारी सानू।
मध्यराती प्रेम-युद्ध, सहमतीमा पनि
बती निभ्छ सुनसान,त्यो अधेरीमा पनि।
निहुँ खोज्न थाल्छन् दुबै,सबै तिर स्पर्श
युद्धको मजा लिन्छन्, लुछाचुडीमा पनि।
एक आगो,अर्को पानी, घमासान लडाइँ
आगो बल्न थाल्छ बरफ अनि पानीमा पनि।
गोली-गट्ठा जे जे थिए,प्रयोग गर्न थाल्छन्
धेरै बल,शक्ति हुन्छ, तिन्का बोलीमा पनि।
युद्ध लड्दा लड्दा दुबै,थकित भए अब
युद्ध-बिरामको घोषणा हुन्छ राजीमा पनि।
"खुशी" तिमी देखिदैनौ पर पर बाट
हेर्दैछु म क्षितिजमा वर वर बाट ।
सधैं दु:ख साथ मेरो,कहाँ छौ र तिमी
भागिरहन्छु हमेसा कष्ट,डर बाट ।
तड्पी र'छु तिम्रो लागि,तर तिमी आइनौ
चियाउछु म झुपडी,सानो घर बाट।
घरको छानो चुइरहन्छ,तप्प सिरानीमा
टाल्ने चेस्टा गर्छु छानो,स्याउला,खर बाट।
बेरोजगारीको यो पीडा अरु लाई के था
छाती चस्की दिन्छ अझ मूल्य,दर बाट।
बल्ने आगो ताप्छन् सबै,निभेको होइन
झिनो आशा पनि छैन यहाँ नर बाट ।
गहुँ,मकै,कोदो छर्नुछ यही माटोमा
बाचुन्जेल केही गर्नुछ यही माटोमा।
जन्मी,खेली,हुर्क्यौ,स्वर्ग यहीँ हाम्रो लागि
सुख,खुशी हरु भर्नुछ यही माटोमा।
उडेर आकाश कहाँ छुन सकिन्छ र
आखिरीमा तलै झर्नुछ यही माटोमा।
उकाली,ओराली, सुख,दु:ख गर्दै हामी
जिन्दगीको सागर तर्नुछ यही माटोमा।
दुई दिने पाहुना बनी यो धर्तीमा आयौं
धन,मान छोडी मर्नुछ यही माटोमा।
सुख हरु बटुल्नुछ कण-कण बाट
केही आसा राख्न हुन्न महाजन बाट।
रात,दिन खट्नु पर्छ,पसिना बगाउनु
ढुंगा,मुडा तोड्नु पर्छ यहाँ घन बाट।
मुक्तिको नाममा धेरै रगत बगि सके
केही पनि हुने छैन अब रण बाट ।
कति पर्नु बिदेशीको भरमा नै हामी
जडिबुटी खोजी गरौं अब बन बाट ।
निरन्तर लागि परौं यो देश बनाउन
रोक्ने,झुक्ने हैन,बाधा र अड्चन बाट।
तारा दिउँ कि तिमी लाई जून दिउँ म
चादी दिउँ कि अकबरी सुन दिउँ म।
सगरमाथा चढ्नुपर्यो कि चन्द्र छुनु
हीरा र मोतीमा भन कुन दिउँ म।
ज्यानै बैना राखी दिन्छु तिम्रो लागि त
के चाहियो भन प्रिया खुन दिउँ म?
सके सम्म सुखी राख्छु दु:खी होइन
कहिले पनि सोच्दिन रुन दिउँ म।
मेरो जीवन तिमीमै छ समर्पित
रीस ,राग सबै त्यागी गुन दिउँ म।
मादलुको घिन्ताङ कि डम्फूको डम्डम
बासुरी कि सारङ्गीको धून दिउँ म।
जिन्दगीको यात्रामा म दिनेछु साथ
जसरी नि तिमी खुशी हुन दिउँ म।
मेरो जबर्जस्ती हात तानातानीले गर्यो
ओठ टोकी लजाउने तिम्रो बानीले गर्यो।
झट्टै माया लगाइदेउ, ढिलो नगर तिमी
माया गर्ने कि नगर्ने, आनाकानीले गर्यो।
गड्याङ गुडुङ बादल गर्जिन थालिसक्यो
निथ्रुक्कै भिजी नै सक्यौं,झरी पानीले गर्यो।
अहो कति राम्रो फूप ढकमक्क फुलेको
भमराको फूल माथी मनोमानीले गर्यो।
यैवनको आगो दन्दनी बल्न थाल्यो बेसरी
पानी बनी आगो निभाइ,मेरी सानीले गर्यो।
म उनको नशालु हेराइमा डुबे
उनको छ्ड्के आँखा जुधाइमा डुबे
न्यानो न्यानो मायाको गहिराइमा डुबे।
कलेज पढ्दा पैलो पल्ट भेट हाम्रो भो
हतारैमा ठक्कर खादा जे भो राम्रो भो
नजर झुक्ने उनको लजाइमा डुबे
नम्रे भई बोल्ने बोलाइमा डुबे
न्यानो न्यानो मायाको गहिराइमा डुबे।
रातो गुलाब दिएर प्रस्ताव राखे
अर्को दिन देखाउन घरैमा डाके
गालामा सुस्तरी हिर्काइमा डुबे
मुसु मुसु उनको हसाइमा डुबे
न्यानो न्यानो मायाको गहिराइमा डुबे।
के आशा गर्नु र तरवार बाट
झुपडीले महल,दरबार बाट।
आकाश छोइ सक्यो महँगीले यहाँ
पेट पाल्न गाह्रो रोजगार बाट ।
नाका बन्द गरे, अति दु:ख पायौं
खराब छिमेकीको व्यवहार बाट।
सधैं दाल-भात,छैन ढिडो सिस्नु
दिक्क भए घरको परिकार बाट।
देश बनाउने रे हाम्रा नेता हरु
अझै तर्नु पर्छ खोलो तार बाट।
के आशा गर्नु र तरवार बाट
झुपडीले महल,दरबार बाट।
आकाश छोइ सक्यो महँगीले यहाँ
पेट पाल्न गाह्रो रोजगार बाट ।
नाका बन्द गरे, अति दु:ख पायौं
खराब छिमेकीको व्यवहार बाट।
सधैं दाल-भात,छैन ढिडो सिस्नु
दिक्क भए घरको परिकार बाट।
देश बनाउने रे हाम्रा नेता हरु
अझै तर्नु पर्छ खोलो तार बाट।
सीता-राम चौध बर्ष बनबास सरे कठै
मृग भई रावणले यता उता चरे कठै।
मृग छोप्न हिंडे राम,जोगी भई आए रावण
सीता लाई रावणले झ्वाट्टै हरण गरे कठै।
चारैतिर खोजी गर्दा कही थि'नन् सीता माता
जटायुले भने सबै घाइते भई झरे कठै।
हनुमानको मद्धतले भेटिई सीता लंकामा
सेना लिई राम पुगे त्यहाँ सागर तरे कठै।
घाइते भए लक्ष्मण छातीमा बाण लागेर
बल्ल तल्ल होस आयो जडीबुटी छरे कठै।
लंकामाथि जीत हात पारे राम लक्ष्मणले
रावण संग घमासान महा युद्ध परे कठै।
सीता लिई आए राम आफ्नै राज्य अयोध्यामा
राम राजा भए अब सबै दु:ख टरे कठै।
बिचरी ती सीता माता छोड्नु पर्यो दरबार
दु:खमै सक्यो कहानी सीता भासी मरे कठै।
निस्कन गाह्रो हुन्छ मुटुमा छिरे पछि
जोडिन सार्हो हुन्छ यो मन चिरे पछि।
चिप्लो छ यो दुनिया, जहिल्यै लड्न सक्छ
उठ्न गाह्रो कसैको नजरमा गिरे पछि।
नहुदा म्याउ म्याउ गरी सताइरहन्छ
चटक्कै बिर्सी दिन्छन् ऋण त तिरे पछि।
साहस भन्ने कुरा मुटु भित्र पो हुन्छ
बहादुरी नै ठान्छन् बन्दुक भिरे पछि।
मर्दको छोरा भए आम्ने-सामने लड्छ
लौरो किन ठटाउनु सर्प नै फिरे पछि।
हाम्रो देशको हरियाली रमणीय लाग्छ
छागा,छहरा र पहरा अति प्रिय लाग्छ।
जन्म दिएर यो धर्तीले ठूलो गुण ला'छ
जीवन दिने मातृभुमी पुजनिय लाग्छ।
यो संसारलाइ बचाउने हाम्रै जिम्मेवारी
प्रदुषणरहित संसार मानवीय लाग्छ।
वन्यजन्तु माथी प्रहार हुँदा खेरी यहाँ
मान्छेको बानी व्यवहार नाटकीय लाग्छ।
हिंसा,द्वन्द फैलाउने ती देशद्रोही हरु
नेपाली अनुहार पनि भारतीय लाग्छ।
आँखामा सजाउछु तिम्लाइ मुटुमा धड्काउछु
कहिले हसाउछु तिम्लाइ कहिले रुवाउछु।
दोबाटोमा कतै भेटे तर्साइ दिन्छु म
गोलीहरु ती मायाको बर्साइ दिन्छु म।
कहिले सताउछु तिम्लाइ कहिले फकाउछु
कहिले हसाउछु तिम्लाइ कहिले रुवाउछु।
एकान्तमा टोलाउदा आँखा छोपी दिन्छु
मायाको तीरै तीरले मुटु रोपी दिन्छु।
मायामा फसाउछु तिम्लाइ दिलैमा बसाउछु
कहिले हसाउछु तिम्लाइ कहिले रुवाउछु।
मेरो माया कति छ,छाती चिरी हेर
चोखो माया तिमीले पनि गरी हेर।
हीरा-मोती भन्दा पनि अमुल्य माया गर्छु
तिम्ले माया नगरेमा भुत्तुक्कै म त मर्छु।
मैले जस्तै तिमीले छेउ सरी हेर
चोखो माया तिमीले पनि गरी हेर।
ढुंगा जस्तो सार्हो मन नबनाउ बिन्ती सानू
तड्पी र'छु तिम्रै लागि नरुवाउ बिन्ती सानू
निस्छल यो मायामा तिमी परी हेर
चोखो माया तिमीले पनि गरी हेर।
मेरो माया कति छ,छाती चिरी हेर
चोखो माया तिमीले पनि गरी हेर।
आयो दशै आशा देखाएर
गयो दशै आँखा रसाएर।
गरीबको दशा बन्यो दशै
हजारौंको ऋण बोकाएर।
धनी-मानी हरुको सप्र्यो रे
भब्यताका साथ मनाएर।
भुकम्पले थलिएको हामी
त्यसै माथी खल्ती रिताएर।
यस्तै भयो दशै हाम्रो तिर
कोही रुदै कोही रमाएर।
पिउ कि पिउ भनी पिलायो साथीले
फाटेको मेरो मन सिलायो साथीले।
धर्तीमा भुइँ-चालो गैरहन्छ साथी
मिलन र बिछोड भैरहन्छ साथी।
रोएको मान्छेलाइ हसायो साथीले
फाटेको मेरो मन सिलायो साथीले।
चुडिएका सपना फेरि उन्नु पर्छ
जीवन र मृत्युमा जीवन चुन्नु पर्छ।
मरेको थिए म त बचायो साथीले
फाटेको मेरो मन सिलायो साथीले।
पिउ कि पिउ भनी पिलायो साथीले
फाटेको मेरो मन सिलायो साथीले।
हजारौंमा एउटी छानेर लान्छु
मेरो दिलको रानी मानेर लान्छु।
बर्ष दिनको मेलामा भेट हाम्रो भाको छ
सानीको त्यो रुपैले मन मेरो खाको छ।
नमानेमा आउन तानेर लान्छु
मेरो दिलको रानी मानेर लान्छु।
आज देखि तिमी मेरो दुनिया साक्षी छ
तिमी लाई झ्याइ पार्न यो ज्यान राजी छ।
तिमी लाई खुशी पारेर लान्छु
मेरो दिलको रानी मानेर लान्छु।
हजारौंमा एउटी छानेर लान्छु
मेरो दिलको रानी मानेर लान्छु।
नजाउ भन्थिन् टाढा, दिल तोडी आए
दु:ख र पीडामा एक्लै छोडी आए।
कति गाढा थियो हामी बीच माया
सधैं भरी उनी मेरो दायाँ बायाँ ।
उनले देख्ला भनी लुकी मोडी आए
दु:ख र पीडामा एक्लै छोडी आए।
हरेक पल उनकै यादले सताउछ
कहिले भेट होला मनले अताउछ।
मायाको तस्वीर दिलमा कोरी आए
दु:ख र पीडामा एक्लै छोडी आए।
नजाउ भन्थिन् टाढा, दिल तोडी आए
दु:ख र पीडामा एक्लै छोडी आए।
हरे भगवान यो के गरायो भुकम्पले
करोड देखी रोडमा पुर्यायो भुकम्पले।
घरबार बिहीन नै भए हजारौं जना
महल र झुपडी भत्कायो भुकम्पले।
भताभुङ्ग,छताछुल्ल भयो जन जीवन
महिनौं दिन सम्म हल्लायो भुकम्पले।
भोक-प्यासमा बस्न बाध्य भए हेर्नुस्
हजारौं नेपालीलाइ रुवायो भुकम्पले।
कति बाच्नु डर अनि त्रासमा तड्पिएर
गरिबी माथी झनै सतायो भुकम्पले।
सतीले सरापेको देश नै होला क्यारे
कैयौंको मन-मुटु दुखायो भुकम्पले।
दुस्मन लाई पनि नहोस् यस्तो घटना
न बाच्नु न त मर्नु बनायो भुकम्पले।
उनी लाई यस्तो अधिकार चाइयो रे
पुरुष हरु जस्तै डिस्को बार चाइयो रे।
एउटा श्रीमानले काफी छैन भन्छे उनी
आधुनिक युगमा दुई-चार चाइयो रे।
सिदूर र पोतेको बन्धन तोडिनु पर्छ
मुक्त हुन कि वार कि त पार चाइयो रे।
लाली पाउडरले घस्दा हुन्न रे घरमा
पार्लरको सिंगार र पटार चाइयो रे।
आकाशमा चरी जस्तै भुरुरुरु उड्न
स्वर्ग जस्तै सुन्दर संसार चाइयो रे।
दशै नेपाल तिर, कतारमा छु म
घर कहिले आउ,हतारमा छु म।
पाइन यसपाली छुट्टी आउन त
कामै छोडी आउ कि,दोधारमा छु म।
बेरोजगारी मान्छे कसरी बाच्नु र
अर्को दशैमा आउने विचारमा छु म।
चरी सरी भुरुरु उड्न कहाँ मिल्छ
बिदेशी कम्पनीको कारागारमा छु म।
भिसा नसकी कन छाड्दैनन् मलाइ
दुई बर्से अवधि करारमा छु म।
फुलमाया मेलामा आउने भन्दैछे
साथी संग दोहोरी गाउने भन्दैछे।
कम्मर मर्काएर लचक्क लचक्क
यसपालिको मेला मनाउने भन्दैछे।
सबै जना आउनु भन्दै हिन्छे उनी
चिया हैन तीन्पाने ख्वाउने भन्दैछे।
सयौं बाट छानेर एक जना सित
चोखो माया-पिरती लाउने भन्दैछे।
सिन्दुर अनि पोते लगाएर उनी
एउटा घोर्ले छोरो पाउने भन्दैछे।
कति गर्नु बिछोडको ,मिलनको कुरा गरौं
आउ संगै मिलीजुली तन-मनको कुरा गरौं।
बिर्सी दिउँ दु:ख,पीडा जे भए नी जीवनमा
चलिर'को तिम्रो मेरो धड्कनको कुरा गरौं।
आफू भलो,जगत भलो,सकारात्मक नै सोचौ
छुरा धस्ने दुस्मन हैन आफ्नोपनको कुरा गरौं।
बैगुनी लाई गुनैले मार्नु पर्छ पक्कै पनि
जिन्दगीमा साथ दिने सज्जनको कुरा गरौं।
जसले दिल दुखायो,नरुनु उसैको यादमा
मुटु संग मुटु जोड्ने बन्धनको कुरा गरौं।
