तारा दिउँ कि तिमी लाई जून दिउँ म
चादी दिउँ कि अकबरी सुन दिउँ म।
सगरमाथा चढ्नुपर्यो कि चन्द्र छुनु
हीरा र मोतीमा भन कुन दिउँ म।
ज्यानै बैना राखी दिन्छु तिम्रो लागि त
के चाहियो भन प्रिया खुन दिउँ म?
सके सम्म सुखी राख्छु दु:खी होइन
कहिले पनि सोच्दिन रुन दिउँ म।
मेरो जीवन तिमीमै छ समर्पित
रीस ,राग सबै त्यागी गुन दिउँ म।
मादलुको घिन्ताङ कि डम्फूको डम्डम
बासुरी कि सारङ्गीको धून दिउँ म।
जिन्दगीको यात्रामा म दिनेछु साथ
जसरी नि तिमी खुशी हुन दिउँ म।
No comments:
Post a Comment