बिर्सन कहाँ सक्छु र खेलेको जुहारी सानू
झलझली याद आउँछ तिनै लुकामारी सानू
बर्षाले खोलो बढेको, थिएन नी तर्ने पुल
आँखा-आँखा जुधाएर हेर्यौ वारीपारी सानू।
हाम्रो माया देखि खुशी भएका थिएनन् कोही
बाबा-आमाले लखेट्दा भाग्यौ सिस्नु घारी सानू।
संगै खेली,संगै हुर्की,आज टाढा भयौं प्यारी
मैले जे जे भने नि मान्थ्यौ,थियौ आज्ञाकारी सानू।
तिमी छ्यौ गाउँबेशीमा म प्रदेशी भुमीमा छु
हाम्रो दुस्मन बन्यो आज यो बेरोजगारी सानू।
No comments:
Post a Comment