मलाइ हेर्न निस्केकी बारदली याद आउँछ
ईसाराले जिस्केकी झलझली याद आउँछ।
नजर हाम्रो जुधेर माया बस्यो यसरी
खुलेर हास्ने,बोल्ने चंचली याद आउँछ।
बाच्न सक्ने थिएनौं एक अर्का बिना त
भेट्न जांदा पसिना खलखली याद आउँछ।
एकान्तमा उनी-म, हावा चल्दा सरर
ओढेको त्यो पछ्यौरी-मखमली याद आउँछ।
एक्कासी शहरमा बसाइँ सरी उनी
दुब्लाएकी छे भन्छन् ,पातली याद आउँछ।
दु:ख-सुखका कुरा गर्थ्यौ मिलेर हामी
हात समाइ हिंडेको ती गली याद आउँछ।
ओठमा लाली अनि ती आँखामा गाजल
लाइ देउ भन्ने उहीँ नक्कली याद आउँछ।
No comments:
Post a Comment