अब केही गरिन्छ आफ्नै देशमा
गहुँ,मकै छरिन्छ आफ्नै देशमा।
स्वदेशको हावा,पानी मीठो मलाइ
लेक-बेशी झरिन्छ आफ्नै देशमा।
बाख्रा,कुखुरा,गाई, भैंसी पालिन्छ
डोकोमा घाँस भरिन्छ आफ्नै देशमा।
दु:ख र सुख भन्नू नै जिन्दगी हो
मेलापातले खरिन्छ आफ्नै देशमा।
कोइलीको कुहु कुहु संग रमाउदै
खोला-नाला तरिन्छ आफ्नै देशमा।
स्वर्ग झैं प्यारो मेरो देश नेपाल
सुखको साथ मरिन्छ आफ्नै देशमा।
अब केही गरिन्छ आफ्नै देशमा
गहुँ,मकै छरिन्छ आफ्नै देशमा।
No comments:
Post a Comment